ya-rasul-e-KHuda ashraf-e-ambiya

yā-rasūl-e-ḳhudā ashraf-e-ambiyā

aap par merī jaañ ye jahāñ hoñ fidā

rif'ateñ chūmtī haiñ qadam aap ke

aap ko āsmāñ dekhtā rah gayā

saarī ummat durūd-e-mubārak paḌhe

aap kā phir bhī hotā nahīñ haq adā

tuur ke jis tajallī ne TukḌe kiye

aap ne dekh lī hausla aap kā

jab jahālat meñ the ibn-e-ādam magan

aap ko rab ne sab kā chunā rahnumā

is jahāñ hī nahīñ roz-e-mahshar meñ bhī

aap merā sahārā haiñ bā'd-az-ḳhudā

ye 'aqīdat bharī ek naa't aap kī

kuchh nahīñ mere palḌe meñ is ke sivā

hai guzārish ye 'hāmī' kī tujh se sabā

tū mohammad ke dar par ye jā kar sunā

ya-rasul-e-KHuda ashraf-e-ambiya

aap par meri jaan ye jahan hon fida

rif'aten chumti hain qadam aap ke

aap ko aasman dekhta rah gaya

sari ummat durud-e-mubarak paDhe

aap ka phir bhi hota nahin haq ada

tur ke jis tajalli ne TukDe kiye

aap ne dekh li hausla aap ka

jab jahaalat mein the ibn-e-adam magan

aap ko rab ne sab ka chuna rahnuma

is jahan hi nahin roz-e-mahshar mein bhi

aap mera sahaara hain ba'd-az-KHuda

ye 'aqidat bhari ek na't aap ki

kuchh nahin mere palDe mein is ke siwa

hai guzarish ye 'hami' ki tujh se saba

tu mohammad ke dar par ye ja kar suna