zindagi se mat khaun aap ke hote hue
zindagī se maat khā.ūñ aap ke hote hue
ġhair-mumkin laḌkhaḌā.ūñ aap ke hote hue
bhiik hai darkār mujh ko aap ke darbār se
kis se maiñ imdād pā.ūñ aap ke hote hue
aap ne ummat kī ḳhātir rab se kyā māñgā nahīñ
haath kyā apne uThā.ūñ aap ke hote hue
apne saare chhoḌ jā.eñge añdhere meñ mujhe
qabr meñ kyoñ Dagmagā.ūñ aap ke hote hue
ġhair-mumkin hai kisī bhī shai kā aanā is jagah
ġhair ko dil meñ basā.ūñ aap ke hote hue
ap kā 'āshiq azal se huuñ abad tak bhī rahūñ
kis ko maiñ apnā banā.ūñ aap ke hote hue
haal ḳhasta hai mirā 'ahmad' bahut kamzor hai
baat ye kis ko batā.ūñ aap ke hote hue
zindagi se mat khaun aap ke hote hue
ghair-mumkin laDkhaDaun aap ke hote hue
bhik hai darkar mujh ko aap ke darbar se
kis se main imdad paun aap ke hote hue
aap ne ummat ki KHatir rab se kya manga nahin
hath kya apne uThaun aap ke hote hue
apne sare chhoD jaenge andhere mein mujhe
qabr mein kyon Dagmagaun aap ke hote hue
ghair-mumkin hai kisi bhi shai ka aana is jagah
ghair ko dil mein basaun aap ke hote hue
ap ka 'ashiq azal se hun abad tak bhi rahun
kis ko main apna banaun aap ke hote hue
haal KHasta hai mera 'ahmad' bahut kamzor hai
baat ye kis ko bataun aap ke hote hue
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
