dhu.ndlii yaade.n

hamesha muntazir rahii mai.n

KHush-gavaar palo.n kii

jo Dubo de.n dil ko sukuun ke samundar me.n

gahraa.ii tak

aur zinda rakhe mujhe us ehsaas ke jahaan me.n

jo faqat aur faqat KHvaabo.n me.n hii apnaa lagtaa hai ab

jo vaqt kii raftaar me.n

thak gayaa puurii tarah

aur baiTh gayaa dubak kar biite hu.e kal me.n

yaqiinan har baar milaa hai

vahii aaraam chain aur amn

jo baKHshtaa rahaa mujhe saa.ns ab tak

jii uThaa vahii ehsaas

aaj phir baiThii huu.n mai.n zehn ke aa.iina-KHaane ko saaf karne

kuchh adhuure kuchh puure palo.n me.n simTe hu.e

vaqt ke chiith.De ko haath me.n le kar

be-shak ubhar aa.ii hai.n ka.ii saarii dhu.ndlii yaade.n

aur kar ga.ii hai.n mujhe taaza-tariin

ek bahkii sii muskaan mere chehre par chho.D kar

hamesha muntazir rahii mai.n

KHush-gavaar palo.n kii

jo Dubo de.n dil ko sukuun ke samundar me.n

gahraa.ii tak

aur zinda rakhe mujhe us ehsaas ke jahaan me.n

jo faqat aur faqat KHvaabo.n me.n hii apnaa lagtaa hai ab

jo vaqt kii raftaar me.n

thak gayaa puurii tarah

aur baiTh gayaa dubak kar biite hu.e kal me.n

yaqiinan har baar milaa hai

vahii aaraam chain aur amn

jo baKHshtaa rahaa mujhe saa.ns ab tak

jii uThaa vahii ehsaas

aaj phir baiThii huu.n mai.n zehn ke aa.iina-KHaane ko saaf karne

kuchh adhuure kuchh puure palo.n me.n simTe hu.e

vaqt ke chiith.De ko haath me.n le kar

be-shak ubhar aa.ii hai.n ka.ii saarii dhu.ndlii yaade.n

aur kar ga.ii hai.n mujhe taaza-tariin

ek bahkii sii muskaan mere chehre par chho.D kar