ham kisii shaam ko mile.nge

ham kisii shaam ko mile.nge

jhiil kinaare bal khaatii pagDanDii par jise phuulo.n ne Dhak diyaa ho

yaa ghane pe.D ke saa.e me.n jise parindo.n ne apnaa ghar maan liyaa ho

sach puuchhe.n to

shaame.n sirf dehaat me.n hotii hai.n

shahro.n me.n to din ke baa'd siidhii raat utartii hai

gesuu.o.n me.n chaa.ndii bhare puKHta 'umr bhikaaran

raat kaam aur kaam ke darmiyaan maa'muulii vaqfa hai

yaa thake haare badan ke liye social reproduction

shahro.n ke baasii KHvaab afford nahii.n kar sakte

nii.nd vahii hai jo music sunte aa jaa.e kitaab pa.Dhte yaa jab ko.ii baalo.n me.n u.ngliyaa.n pher rahaa ho

baaqii to pa.D rahnaa hai

footpath par mazduuro.n yaa din cha.Dhe kutto.n kii tarah

hamaarii nasl ne KHvaab bech kar raushnii KHariidii

aur be-KHvaabii me.n mubtalaa ho kar nisyaan aur bisyaar-KHorii kaa shikaar ho ga.e

hamaarii mez par kitaabe.n nahii.n snacks milte hai.n

hamaare zehno.n me.n ideas nahii.n mahruumiyaa.n hai.n

magar chho.De.n

ham is shahr se baahar mile.nge

kisii shaam ko

ham kisii shaam ko mile.nge

jhiil kinaare bal khaatii pagDanDii par jise phuulo.n ne Dhak diyaa ho

yaa ghane pe.D ke saa.e me.n jise parindo.n ne apnaa ghar maan liyaa ho

sach puuchhe.n to

shaame.n sirf dehaat me.n hotii hai.n

shahro.n me.n to din ke baa'd siidhii raat utartii hai

gesuu.o.n me.n chaa.ndii bhare puKHta 'umr bhikaaran

raat kaam aur kaam ke darmiyaan maa'muulii vaqfa hai

yaa thake haare badan ke liye social reproduction

shahro.n ke baasii KHvaab afford nahii.n kar sakte

nii.nd vahii hai jo music sunte aa jaa.e kitaab pa.Dhte yaa jab ko.ii baalo.n me.n u.ngliyaa.n pher rahaa ho

baaqii to pa.D rahnaa hai

footpath par mazduuro.n yaa din cha.Dhe kutto.n kii tarah

hamaarii nasl ne KHvaab bech kar raushnii KHariidii

aur be-KHvaabii me.n mubtalaa ho kar nisyaan aur bisyaar-KHorii kaa shikaar ho ga.e

hamaarii mez par kitaabe.n nahii.n snacks milte hai.n

hamaare zehno.n me.n ideas nahii.n mahruumiyaa.n hai.n

magar chho.De.n

ham is shahr se baahar mile.nge

kisii shaam ko