maut kaa khel
KHudaa ne ye dhartii
har maKHluuq ke liye vaqf kar rakhii hai
jo jii me.n aa.e kare
ko.ii rok-Tok nahii.n
har jins ko iKHtiyaar hai
apnii marzii se jiine kaa
zulm karnaa ho kare
rahm karnaa ho kare
sab aazaad hai.n
apne aa'maal kii anjaam-dahii me.n
kisii par ko.ii haakim nahii.n
bas ek chiiz apne paas rakhii hai
maut
KHudaa ko ye khel pasand hai
kahte hai.n ek din
ehtisaab hogaa
sabhii jinse.n jam' ho.ngii
har ek ko pesh honaa hogaa
chaahe vo inkaar kare yaa qubuul
marzii sirf KHudaa kii hogii
kis ko aasaanii denii hai
kis ko saKHt vaqt denaa hai
us din maut ko bhii maut dii jaa.egii
sab ke saamne
aur phir ko.ii
apne haatho.n KHud ko maarne kaa KHvaab nahii.n dekhegaa
sab jiye.nge
jab tak KHudaa chaahegaa
KHudaa ne ye dhartii
har maKHluuq ke liye vaqf kar rakhii hai
jo jii me.n aa.e kare
ko.ii rok-Tok nahii.n
har jins ko iKHtiyaar hai
apnii marzii se jiine kaa
zulm karnaa ho kare
rahm karnaa ho kare
sab aazaad hai.n
apne aa'maal kii anjaam-dahii me.n
kisii par ko.ii haakim nahii.n
bas ek chiiz apne paas rakhii hai
maut
KHudaa ko ye khel pasand hai
kahte hai.n ek din
ehtisaab hogaa
sabhii jinse.n jam' ho.ngii
har ek ko pesh honaa hogaa
chaahe vo inkaar kare yaa qubuul
marzii sirf KHudaa kii hogii
kis ko aasaanii denii hai
kis ko saKHt vaqt denaa hai
us din maut ko bhii maut dii jaa.egii
sab ke saamne
aur phir ko.ii
apne haatho.n KHud ko maarne kaa KHvaab nahii.n dekhegaa
sab jiye.nge
jab tak KHudaa chaahegaa
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
