mere payambar!
mire payambar!
bikhar ga.ī huuñ
tamām raste
muhīb andhe kuñveñ kī jānib simaT rahe haiñ
maiñ sochtī huuñ
ki baat mānūñ to kis kī mānūñ
ki mere andar
ki mere bāhar
tazād lākhoñ jhalak rahe haiñ
savāl lākhoñ ubal rahe haiñ
mohabbatoñ aur nafratoñ kā 'ajīb laavā
mirī nasoñ meñ ka.ī baras se pighal rahā hai
javāb pā.ūñ to kis se pā.ūñ
tamām insān muztarib haiñ
mire payambar
ka.ī baras se maiñ ro rahī huuñ
ḳhatā.eñ lākhoñ qadam qadam saath chal rahī haiñ
maiñ ek zarra
bahut hī 'ājiz
bahut hī pāgal
mujhe koī rāsta dikhā de
mire payambar!
mire payambar!!
mere payambar!
bikhar gai hun
tamam raste
muhib andhe kunwen ki jaanib simaT rahe hain
main sochti hun
ki baat manun to kis ki manun
ki mere andar
ki mere bahar
tazad lakhon jhalak rahe hain
sawal lakhon ubal rahe hain
mohabbaton aur nafraton ka 'ajib lawa
meri nason mein kai baras se pighal raha hai
jawab paun to kis se paun
tamam insan muztarib hain
mere payambar
kai baras se main ro rahi hun
KHataen lakhon qadam qadam sath chal rahi hain
main ek zarra
bahut hi 'ajiz
bahut hi pagal
mujhe koi rasta dikha de
mere payambar!
mere payambar!!
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
