nazariye ka farq
maiñ zulmatoñ kā 'azāb sahtā huuñ aur chup huuñ
maiñ jāntā huuñ
ki vo bhī merī tarah farāmoshiyoñ ke jangal meñ bhuul jā.egā apnā rasta
'azīz haiñ jis ko ārzūeñ
maiñ yūñhī tanhā
azal se tanhā
ḳhamosh rātoñ kā ham-safar huuñ
vo raushnī ke fusūñ meñ gum hai asīr-e-ġham hai
maiñ zulmatoñ kā 'azāb sahtā huuñ aur ḳhush huuñ
main zulmaton ka 'azab sahta hun aur chup hun
main jaanta hun
ki wo bhi meri tarah faramoshiyon ke jangal mein bhul jaega apna rasta
'aziz hain jis ko aarzuen
main yunhi tanha
azal se tanha
KHamosh raaton ka ham-safar hun
wo raushni ke fusun mein gum hai asir-e-gham hai
main zulmaton ka 'azab sahta hun aur KHush hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
