nazm
nazm ek dīvār hai
jis ke pīchhe se
ham nikalte haiñ
apne dushman ko mārne
aur use muaaf kar ke
vāpas aa jaate haiñ
nazm
ek phuul hai
jo khiltā hai
sirf hamāre dostoñ
aur mahbūbāoñ ke liye
yā hamāre pyāroñ kī qabr par
aur hamesha khulā hī rahtā hai
nazm
ek tamġha hai
jo diyā jaatā hai bahāduroñ ko
jañg se vāpas na aane par
yā phir āshiqoñ ko
ek dūsre se
hamesha ke liye judā hone par
nazm ek diwar hai
jis ke pichhe se
hum nikalte hain
apne dushman ko marne
aur use muaf kar ke
wapas aa jate hain
nazm
ek phul hai
jo khilta hai
sirf hamare doston
aur mahbubaon ke liye
ya hamare pyaron ki qabr par
aur hamesha khula hi rahta hai
nazm
ek tamgha hai
jo diya jata hai bahaduron ko
jang se wapas na aane par
ya phir aashiqon ko
ek dusre se
hamesha ke liye juda hone par
- Book : saarii nazmen (Pg. 153)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
