pahlii dhund
dhund me.n lipTaa hu.aa din kitnaa chhoTaa pa.D chukaa hai
raate.n ba.Dii kyo.n nahii.n hotii.n
tumhaaraa KHvaab roz adhuuraa rah jaataa hai
ek qadam par tum ho
ek qadam par KHudaa hai
ham ek faisle kii duurii par hai.n
aur miilo.n ke faasle par
KHvaab me.n mai.n chhuu saktaa huu.n
raushnii aur KHudaa ko
tumhe.n mai.n ne chhu.aa
jo shaayad kabhii haqiiqat na ho
haqiiqat kyaa hai
tum yaa
KHudaa
ham ne milne se pahle
bichha.D jaane ke dukh kii parvarish kii
aur mohabbat karne kii naakaam koshish
hame.n sitaaro.n kii badaltii chaal se vaqt kaa ta'ayyun nahii.n karnaa chaahiye
hame.n milte rahnaa chaahiye
apne haatho.n me.n zindagii aur maut kii lakiire.n nazar-andaaz karte hu.e
kyuu.nki judaa.ii insaan ko kamzor banaa detii hai
aur kamzor insaan kisii bhii vaqt zaalim ban saktaa hai
dhund me.n lipTaa hu.aa din kitnaa chhoTaa pa.D chukaa hai
raate.n ba.Dii kyo.n nahii.n hotii.n
tumhaaraa KHvaab roz adhuuraa rah jaataa hai
ek qadam par tum ho
ek qadam par KHudaa hai
ham ek faisle kii duurii par hai.n
aur miilo.n ke faasle par
KHvaab me.n mai.n chhuu saktaa huu.n
raushnii aur KHudaa ko
tumhe.n mai.n ne chhu.aa
jo shaayad kabhii haqiiqat na ho
haqiiqat kyaa hai
tum yaa
KHudaa
ham ne milne se pahle
bichha.D jaane ke dukh kii parvarish kii
aur mohabbat karne kii naakaam koshish
hame.n sitaaro.n kii badaltii chaal se vaqt kaa ta'ayyun nahii.n karnaa chaahiye
hame.n milte rahnaa chaahiye
apne haatho.n me.n zindagii aur maut kii lakiire.n nazar-andaaz karte hu.e
kyuu.nki judaa.ii insaan ko kamzor banaa detii hai
aur kamzor insaan kisii bhii vaqt zaalim ban saktaa hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
