qaht

ek nannhī sī kiran

dard kī ik Tiis kī mānind lahrātī huī

ek tiir

niile āsmānoñ meñ chamaktā dauḌtā uḌtā huā

ek aahū

yakka-o-tanhā

magar 'azm-e-nigah kā pāsbāñ

tīrgī ke daur tak phaile sarāboñ meñ

machaltā kasmasātā pattharoñ ko phāñdtā baḌhtā huā

ek nannhī sī kiran kī kapkapātī raushnī kī rahbarī ne raah kā baḳhshā surāġh

ḳhud magar ik TūTtā taarā banī aur bujh ga.ī

ik chamakte tiir kī parvāz meñ arjun kā fan

chashm-e-māhī pā gayā aur kho gayā

ik ramīda āhū-e-vahshī kī pyāsī aarzū

chashma-e-haivāñ pe le aa.ī magar

chashma-e-haivāñ meñ ashkoñ ke sivā kuchh bhī na thā

ek nannhi si kiran

dard ki ek Tis ki manind lahraati hui

ek tir

nile aasmanon mein chamakta dauDta uDta hua

ek aahu

yakka-o-tanha

magar 'azm-e-nigah ka pasban

tirgi ke daur tak phaile sarabon mein

machalta kasmasata pattharon ko phandta baDhta hua

ek nannhi si kiran ki kapkapati raushni ki rahbari ne rah ka baKHsha suragh

KHud magar ek TuTta tara bani aur bujh gai

ek chamakte tir ki parwaz mein arjun ka fan

chashm-e-mahi pa gaya aur kho gaya

ek ramida aahu-e-wahshi ki pyasi aarzu

chashma-e-haiwan pe le aai magar

chashma-e-haiwan mein ashkon ke siwa kuchh bhi na tha