tum mai.n aur KHudaa
mai.n ne apnii saarii mohabbat
tum par vaqf kar dii
aur apnaa haq jamaa liyaa
tumhaarii jaan aur tumhaare maal par
mai.n ne tumhe.n dekhnaa sikhaayaa
jab tum bezaar ho chukii thii.n is kaa.inaat se
aur tamaam logo.n se
jo is circle me.n chakraa rahe hai.n
aur jab tum sleeping pills se apnii nii.nd zaa.e' kar letii thii.n
mai.n ne tumhe.n sukuun 'ataa kiyaa
mai.n ne tumhe.n lafz 'ataa kiye
aur tum baate.n karne lagii.n
aur nazme.n kahne lagii.n
tasavvur pe
aur tanhaa.ii pe
aur taariikii pe
jo nazme.n sirf mere paas hai.n
mai.n ne tumhe.n ruuh baKHshii
jab tum rote hu.e KHud-kushii kaa soch rahii thii.n
aur tum dubaara jiine lagii.n
ek tasviir me.n
ek aavaaz me.n
mai.n ne tumhe.n aabaad kar diyaa
gar mai.n tumhe.n KHudaa se pahle miltaa
to yaqiinan tum mujh pe iimaan le aatii.n
mai.n ne apnii saarii mohabbat
tum par vaqf kar dii
aur apnaa haq jamaa liyaa
tumhaarii jaan aur tumhaare maal par
mai.n ne tumhe.n dekhnaa sikhaayaa
jab tum bezaar ho chukii thii.n is kaa.inaat se
aur tamaam logo.n se
jo is circle me.n chakraa rahe hai.n
aur jab tum sleeping pills se apnii nii.nd zaa.e' kar letii thii.n
mai.n ne tumhe.n sukuun 'ataa kiyaa
mai.n ne tumhe.n lafz 'ataa kiye
aur tum baate.n karne lagii.n
aur nazme.n kahne lagii.n
tasavvur pe
aur tanhaa.ii pe
aur taariikii pe
jo nazme.n sirf mere paas hai.n
mai.n ne tumhe.n ruuh baKHshii
jab tum rote hu.e KHud-kushii kaa soch rahii thii.n
aur tum dubaara jiine lagii.n
ek tasviir me.n
ek aavaaz me.n
mai.n ne tumhe.n aabaad kar diyaa
gar mai.n tumhe.n KHudaa se pahle miltaa
to yaqiinan tum mujh pe iimaan le aatii.n
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
