minar-e-sukut

Yusuf Zafar

minar-e-sukut

Yusuf Zafar

MORE BYYusuf Zafar

    vaqt ko sahrā kahūñ bahr-e-be-sāhil kahūñ

    raat hai reg-e-ravāñ lahr ki mauj-e-āb-e-zindagī

    taare jugnū haiñ ki motī phuul haiñ sīpiyāñ

    kahkashāñ hai dhuul tāroñ ki mauj-e-pur-ḳharosh-o-dur-fashāñ

    soch chiñgāriyāñ uḌtī haiñ yuuñ

    jaise dil par choT paḌtī ho kisī ehsās

    jaise maiñ tanhā nahīñ

    vaqt ke sahrā meñ jaise an-ginat saa.e ubhar kar merī jānib

    dauḌte aate huuñ

    saa.e

    biitī sadiyāñ jaise par phailā.e uThīñ gol gol

    apnī lāsheñ chhoḌ kar merī taraf aa.iiñ

    ki jaise noch khā.eñgī mujhe

    aur phir murda lāsheñ yak-ba-yak vahshī bagūloñ tarah

    raqs kartī chār-sū

    Dhol-tāshoñ aur naqqāroñ haibat-nāk āvāzoñ pe raqs

    khaḌkhaḌātī haDDiyāñ ḳhud sho.ale ban kar nāchtī haiñ chār-sū

    aur ik zartusht sajda rez ho kar

    un haibat un azmat un be-rahmī ko kartā ho salām

    aur vo

    us ko apnī gul-fishāñ āġhosh meñ le kar uThīñ

    jaise maañ

    apne bachche ko uThā.e

    aur maiñ

    vaqt ke be-rahm hāthoñ meñ hoñ jaise gidh ke changul meñ koī zinda parind

    biitī sadiyāñ shab ke sannāTe maiñ shab-ḳhūñ maar kar

    is tarah yalġhār kartī haiñ ki jaise maiñ nihattā huuñ

    mire tarkash ke tiir

    mere siine meñ haiñ paivast

    maiñ zinda nahīñ

    zinda nahīñ

    2

    dekh ai chashm-e-ḳhayāl

    saar ke tāroñ pe iThlātī huī vo jū-e-naġhma bū-e-gul

    vo urūs-e-ārzū vo chāñdnī ke pairahan meñ husn-e-raqsāñ mauj-e-mai

    vo bahāroñ tabassum vo javānī ġhurūr

    titliyoñ ḳhāmushī gungunātī rāgnī

    aa rahī hai merī jānib haath phailā.e hue

    husn jis ke loch se hai sañg-e-marmar meñ gudāz

    husn jis ke ruup se aahan huā ā.īna-sāz

    husn añgḌā.ī meñ jis saikḌoñ qaumoñ raaz

    husn jis ke abrūoñ jalva mehrāb-e-namāz

    husn jis ras-bharā siina hazāroñ gumbadoñ par sarfarāz

    kyā huā vo husn vo doshīza vo mere

    ḳhayāloñ dulhan

    kho ga.ī apnī numū ke parda-e-rañgīñ ke pīchhe kho ga.ī

    vaqt ke sahrā meñ aivānoñ azmat sañg-sāzoñ tarāsh

    hajla-e-sīmīñ ra.anā.ī afsūñ ho ga.ī

    husn patthar ban gayā fan ragoñ garm ḳhuuñ

    murda sadiyoñ ke shabistānoñ meñ apnī aarzū se uThā

    aur sūraj tarah raushan huā

    din Dhale tak merī āñkhoñ meñ rahā biitī huī sadiyoñ nuur

    merā sarmāya thā sūraj mohabbat fusūñ

    mere hoñToñ par tarāne the ki mere zehn meñ

    giit ban ban kar ubhartā thā fazāoñ sukūt

    yādeñ phūloñ tarah

    dil ke har goshe ko mahkātī thiiñ aur mere ḳhayāl

    shaam tak

    aaj shab tamannā meñ rahe

    nīm-shab sard tārīkī meñ ye maazī ke bhuut

    nāchte haiñ har taraf

    jaise ye ik aur duniyā se dar aate haiñ yahāñ

    jaise maiñ un dushmanoñ meñ ghir gayā huuñ jin bhuuk

    mere ḳhuuñ se bujh ga.ī to bujh ga.ī

    ḳhushk haiñ lab dam nikaltā hai dam-ba-dam

    be-hisī chhā.e chalī jaatī hai ab maiñ kyā karūñ

    kyā karūñ

    vaqt ke sahrā ik zarra huuñ maiñ

    biitī sadiyoñ ne jise paalā magar

    aaj maiñ huuñ un āñkhoñ vo ḳhaar

    jis ko us sahrā pe koī haq nahīñ

    kaash vaqt

    vus.at-e-sahrā meñ laa.e bahr-e-jaulāñ ḳharosh

    aur maiñ apne maazī murād

    TuuT kar ik aur sahrā maazī ban sakūñ

    waqt ko sahra kahun ya bahr-e-be-sahil kahun

    raat hai reg-e-rawan ki lahr ya ki mauj-e-ab-e-zindagi

    tare jugnu hain ki moti phul hain ya sipiyan

    kahkashan hai dhul taron ki ki mauj-e-pur-KHarosh-o-dur-fashan

    soch ki chingariyan uDti hain yun

    jaise dil par choT paDti ho kisi ehsas ki

    jaise main tanha nahin

    waqt ke sahra mein jaise an-ginat sae ubhar kar meri jaanib

    dauDte aate hun

    sae

    biti sadiyan jaise par phailae uThin gol gol

    apni lashen chhoD kar meri taraf aain

    ki jaise noch khaengi mujhe

    aur phir murda lashen yak-ba-yak wahshi bagulon ki tarah

    raqs karti chaar-su

    Dhol-tashon aur naqqaron ki haibat-nak aawazon pe raqs

    khaDkhaDati haDDiyan KHud shoale ban kar nachti hain chaar-su

    aur ek zartusht sajda rez ho kar

    un ki haibat un ki azmat un ki be-rahmi ko karta ho salam

    aur wo

    us ko apni gul-fishan aaghosh mein le kar uThin

    jaise man

    apne bachche ko uThae

    aur main

    waqt ke be-rahm hathon mein hon jaise gidh ke changul mein koi zinda parind

    biti sadiyan shab ke sannaTe main shab-KHun mar kar

    is tarah yalghaar karti hain ki jaise main nihatta hun

    mere tarkash ke tir

    mere hi sine mein hain paiwast

    main zinda nahin

    zinda nahin

    2

    dekh ai chashm-e-KHayal

    sar ke taron pe iThlati hui wo ju-e-naghma bu-e-gul

    wo urus-e-arzu wo chandni ke pairahan mein husn-e-raqsan mauj-e-mai

    wo bahaaron ka tabassum wo jawani ka ghurur

    titliyon ki KHamushi gungunati ragni

    aa rahi hai meri jaanib hath phailae hue

    husn jis ke loch se hai sang-e-marmar mein gudaz

    husn jis ke rup se aahan hua aaina-saz

    husn angDai mein jis ki saikDon qaumon ka raaz

    husn jis ke abruon ka jalwa mehrab-e-namaz

    husn jis ka ras-bhara sina hazaron gumbadon par sarfaraaz

    kya hua wo husn wo doshiza wo mere

    KHayalon ki dulhan

    kho gai apni numu ke parda-e-rangin ke pichhe kho gai

    waqt ke sahra mein aiwanon ki azmat sang-sazon ki tarash

    hajla-e-simin ki ranai ka afsun ho gai

    husn patthar ban gaya fan ki ragon ka garm KHun

    murda sadiyon ke shabistanon mein apni aarzu se ji uTha

    aur suraj ki tarah raushan hua

    din Dhale tak meri aankhon mein raha biti hui sadiyon ka nur

    mera sarmaya tha suraj ki mohabbat ka fusun

    mere honTon par tarane the ki mere zehn mein

    git ban ban kar ubharta tha fazaon ka sukut

    yaaden phulon ki tarah

    dil ke har goshe ko mahkati thin aur mere KHayal

    sham tak

    aaj ki shab ki tamanna mein rahe

    nim-shab ki sard tariki mein ye mazi ke bhut

    nachte hain har taraf

    jaise ye ek aur duniya se dar aate hain yahan

    jaise main un dushmanon mein ghir gaya hun jin ki bhuk

    mere KHun se bujh gai to bujh gai

    KHushk hain lab dam nikalta ja hai dam-ba-dam

    be-hisi chhae chali jati hai ab main kya karun

    kya karun

    waqt ke sahra ka ek zarra hun main

    biti sadiyon ne jise pala magar

    aaj main hun un ki aankhon wo KHar

    jis ko us sahra pe koi haq nahin

    kash waqt

    wusat-e-sahra mein lae bahr-e-jaulan ka KHarosh

    aur main apne mazi ki murad

    TuT kar ek aur hi sahra ka mazi ban sakun

    Source:

    • Book : auraq salnama magazines (Pg. e-451 p-439)
    • Author : Wazir Agha,Arif Abdul Mateen
    • Publication : Daftar Mahnama Auraq Lahore (1967 )
    • Edition : 1967
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY