dua

duā

duur tak ek ḳhalā

lab pe hai harf-e-duā

dasht-e-mahrūm-e-sadā

koī āvāz na rañg

koī ḳhvāhish na umañg

dil meñ ik sard sī jañg

aañkh se ashk ravāñ

kashish-e-bāġh-e-jināñ

merī auqāt kahāñ

apnī āvāz kā Dar

shola-e-sāz kā Dar

dil ke har raaz kā Dar

har taraf jalva-fagan

ek ḳhāmosh kiran

har fashāñ ruuh ki tan

aaj kaise ho bayāñ

tujh pe har baat ayaañ

tū qarīb-e-rag-e-jāñ

dua

dur tak ek KHala

lab pe hai harf-e-dua

dasht-e-mahrum-e-sada

koi aawaz na rang

koi KHwahish na umang

dil mein ek sard si jang

aankh se ashk rawan

kashish-e-bagh-e-jinan

meri auqat kahan

apni aawaz ka Dar

shola-e-saz ka Dar

dil ke har raaz ka Dar

har taraf jalwa-fagan

ek KHamosh kiran

har fashan ruh ki tan

aaj kaise ho bayan

tujh pe har baat ayan

tu qarib-e-rag-e-jaan