guru-nanak dev ji

Darshan Singh

guru-nanak dev ji

Darshan Singh

MORE BYDarshan Singh

    tire jamāl se ai āftāb-e-nankāna

    nikhar nikhar gayā husn-e-shu.ūr-e-rindāna

    kuchh aise rañg se chheḌā rabāb-e-mastāna

    ki jhūmne lagā rūhāniyat mai-ḳhāna

    tirī sharāb se mad.hosh ho ga.e mai-ḳhvār

    duī miTā ke ham āġhosh ho ga.e mai-ḳhvār

    tirā payām thā Duubā huā tabassum meñ

    bharī thī rūh-e-latāfat tire takallum meñ

    navā-e-haq kashish thī tire tarannum meñ

    yaqīñ sham.a jalā.ī shab-e-tavahhum meñ

    diloñ ko haq se ham-āhañg kar diyā ne

    guloñ ko gūñdh ke yak-rañg kar diyā ne

    tirī navā ne diyā nuur ādamiyat ko

    miTā ke rakh diyā hirs-o-havā zulmat ko

    diloñ se duur kiyā sīm-o-zar raġhbat ko

    ki liyā thā tire dil ne haq daulat ko

    hujūm-e-zulmat-e-bātil meñ haq-panāhī

    faqīr ho ke bhī duniyā meñ bādshāhī

    tirī nigāh meñ qur.ān-o-dīd aalam

    tirā ḳhayāl thā rāz-e-hayāt mahram

    har ek gul pe Tapaktī thī pyaar shabnam

    ki bas gayā thā nazar meñ bahisht mausam

    nafas nafas meñ kalī rañg-o-bū Dhaltī thī

    nasīm thī ki farishtoñ saañs chaltī thī

    tirī sharāb se baabā farīd the sarshār

    tire ḳhulūs se be-ḳhud the sūfīyān-e-kibār

    kahāñ kahāñ nahīñ pahuñchī tire qadam bahār

    tire amal ne sañvāre jahān ke kirdār

    tirī nigāh ne sahbā-e-āgahī de

    bashar ke haath meñ qindīl-e-zindagī de

    tire payām se aisī thī masīhā.ī

    tire suḳhan meñ habīb-e-ḳhudā rānā.ī

    tire kalām meñ gautam nūr-e-dānā.ī

    tire tarāne meñ murlī lahn-e-yaktā.ī

    har ek nuur nazar aayā tere paikar meñ

    tamām nik.hateñ simTī haiñ ik gul-e-tar meñ

    jahāñ jahāñ bhī gayā ne āgahī bāñTī

    añdherī raat meñ chāhat raushnī bāñTī

    atā kiyā dil-e-bedār zindagī bāñTī

    fasād-o-jañg duniyā meñ shāñtī bāñTī

    bahār aa.ī khilī pyaar kalī har

    tire nafas se nasīm-e-sahar chalī har

    razā-e-haq ko najāt-e-bashar kahā ne

    ta.a.īnāt-e-ḳhudī ko zarar kahā ne

    vafā-nigar ko haqīqat-nigar kahā ne

    zuhūr-e-ishq ko sachchī sahar kahā ne

    jahān-e-ishq meñ kuchh besh-o-kam farq na thā

    tirī nigāh meñ dair-o-haram farq na thā

    batāyā ne ki irfāñ se āshnā honā

    kabhī na āshiq-e-duniyā-e-be-vafā honā

    badī se shām-o-sahar jang-āzmā honā

    ḳhudā se duur na ai banda-e-ḳhudā honā

    nashe meñ daulat-o-zar ke na chuur ho jaanā

    qarīb aa.e jo duniyā to duur ho jaanā

    jo ruuh ban ke samā jaa.e har rag-o-pai meñ

    to phir na shahd meñ lazzat na sāġhar-e-mai meñ

    vahī hai saaz ke parde meñ lahn meñ lai meñ

    usī zaat parchhā.iyāñ har ik shai meñ

    na mauj hai na sitāroñ aab hai koī

    tajalliyoñ ke idhar āftāb hai koī

    abad nuur farāham kiyā sahar ke liye

    diyā payām bahāroñ dasht-o-dar ke liye

    diye jalā diye tārīk rahguzar ke liye

    jiyā bashar ke liye jaan bashar ke liye

    duā ye hai ki rahe ishq hashr tak terā

    zamīñ pe aam ho ye dard-e-mushtarak terā

    ḳhudā kare ki zamāna sune tirī āvāz

    har ik jabīñ ko mayassar ho terā aks-e-niyāz

    jahāñ meñ aam ho tere pyaar andāz

    ḳhulūs-e-dil se ho puujā ḳhulūs-e-dil se namāz

    tire payām barakat se nek ho jaa.eñ

    ye imtiyāz miTeñ log ek ho jaa.eñ

    tere jamal se ai aaftab-e-nankana

    nikhar nikhar gaya husn-e-shuur-e-rindana

    kuchh aise rang se chheDa rabab-e-mastana

    ki jhumne laga ruhaniyat ka mai-KHana

    teri sharab se madhosh ho gae mai-KHwar

    dui miTa ke hum aaghosh ho gae mai-KHwar

    tera payam tha Duba hua tabassum mein

    bhari thi ruh-e-latafat tere takallum mein

    nawa-e-haq ki kashish thi tere tarannum mein

    yaqin ki shama jalai shab-e-tawahhum mein

    dilon ko haq se ham-ahang kar diya tu ne

    gulon ko gundh ke yak-rang kar diya tu ne

    teri nawa ne diya nur aadamiyat ko

    miTa ke rakh diya hirs-o-hawa ki zulmat ko

    dilon se dur kiya sim-o-zar ki raghbat ko

    ki pa liya tha tere dil ne haq ki daulat ko

    hujum-e-zulmat-e-baatil mein haq-panahi ki

    faqir ho ke bhi duniya mein baadshahi ki

    teri nigah mein quran-o-did ka aalam

    tera KHayal tha raaz-e-hayat ka mahram

    har ek gul pe Tapakti thi pyar ki shabnam

    ki bas gaya tha nazar mein bahisht ka mausam

    nafas nafas mein kali rang-o-bu ki Dhalti thi

    nasim thi ki farishton ki sans chalti thi

    teri sharab se baba farid the sarshaar

    tere KHulus se be-KHud the sufiyan-e-kibar

    kahan kahan nahin pahunchi tere qadam ki bahaar

    tere amal ne sanware jahan ke kirdar

    teri nigah ne sahba-e-agahi de di

    bashar ke hath mein qindil-e-zindagi de di

    tere payam se aisi ki thi masihai

    tere suKHan mein habib-e-KHuda ki ranai

    tere kalam mein gautam ka nur-e-danai

    tere tarane mein murli ka lahn-e-yaktai

    har ek nur nazar aaya tere paikar mein

    tamam nikhaten simTi hain ek gul-e-tar mein

    jahan jahan bhi gaya tu ne aagahi banTi

    andheri raat mein chahat ki raushni banTi

    ata kiya dil-e-bedar zindagi banTi

    fasad-o-jang ki duniya mein shanti banTi

    bahaar aai khili pyar ki kali har su

    tere nafas se nasim-e-sahar chali har su

    raza-e-haq ko najat-e-bashar kaha tu ne

    tainat-e-KHudi ko zarar kaha tu ne

    wafa-nigar ko haqiqat-nigar kaha tu ne

    zuhur-e-ishq ko sachchi sahar kaha tu ne

    jahan-e-ishq mein kuchh besh-o-kam ka farq na tha

    teri nigah mein dair-o-haram ka farq na tha

    bataya tu ne ki irfan se aashna hona

    kabhi na aashiq-e-duniya-e-be-wafa hona

    badi se sham-o-sahar jang-azma hona

    KHuda se dur na ai banda-e-KHuda hona

    nashe mein daulat-o-zar ke na chur ho jaana

    qarib aae jo duniya to dur ho jaana

    jo ruh ban ke sama jae har rag-o-pai mein

    to phir na shahd mein lazzat na saghar-e-mai mein

    wahi hai saz ke parde mein lahn mein lai mein

    usi ki zat ki parchhaiyan har ek shai mein

    na mauj hai na sitaron ki aab hai koi

    tajalliyon ke idhar aaftab hai koi

    abad ka nur faraham kiya sahar ke liye

    diya payam bahaaron ka dasht-o-dar ke liye

    diye jala diye tarik rahguzar ke liye

    jiya bashar ke liye jaan di bashar ke liye

    dua ye hai ki rahe ishq hashr tak tera

    zamin pe aam ho ye dard-e-mushtarak tera

    KHuda kare ki zamana sune teri aawaz

    har ek jabin ko mayassar ho tera aks-e-niyaz

    jahan mein aam ho tere hi pyar ka andaz

    KHulus-e-dil se ho puja KHulus-e-dil se namaz

    tere payam ki barakat se nek ho jaen

    ye imtiyaz miTen log ek ho jaen

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY