guru-nanak

Nazeer Akbarabadi

guru-nanak

Nazeer Akbarabadi

MORE BYNazeer Akbarabadi

    haiñ kahte nānak shaah jinheñ vo puure haiñ āgāh gurū

    vo kāmil-e-rahbar jag meñ haiñ yuuñ raushan jaise naah gurū

    maqsūd murād ummīd sabhī bar laate haiñ dil-ḳhvāh gurū

    nit lutf-o-karam se karte haiñ ham logoñ nirbāh gurū

    is baḳhshish ke is azmat ke haiñ baabā nānak shaah gurū

    sab siis navā ardās karo aur har dam bolo vaah gurū

    har aan diloñ vich yaañ apne jo dhyān gurū dharte haiñ

    aur sevak ho kar un ke har sūrat beach kahāte haiñ

    gird apnī lutf-o-ināyat se sukh chain unheñ dikhlāte haiñ

    ḳhush rakhte haiñ har haal unheñ sab man kaaj banāte haiñ

    is baḳhshish ke is azmat ke haiñ baabā nānak shaah gurū

    sab siis navā ardās karo aur har dam bolo vaah gurū

    din raat jinhoñ ne yaañ dil vich hai yaad gurū se kaam liyā

    sab man ke maqsad bhar paa.e ḳhush-vaqtī hañgām liyā

    dukh dard meñ apne dhyān lagā jis vaqt gurū naam liyā

    pal beach gurū ne aan unheñ ḳhush-hāl kiyā aur thaam liyā

    is baḳhshish ke is azmat ke haiñ baabā nānak shaah gurū

    sab siis navā ardās karo aur har dam bolo vaah gurū

    altāf jinhoñ par haiñ un ke so ḳhūbī hāsil hai un ko

    har aan 'nazīr' ab yaañ tum bhī to baabā nānak shaah kaho

    is baḳhshish ke is azmat ke haiñ baabā nānak shaah gurū

    sab siis navā ardās karo aur har dam bolo vaah gurū

    hain kahte nanak shah jinhen wo pure hain aagah guru

    wo kaamil-e-rahbar jag mein hain yun raushan jaise nah guru

    maqsud murad ummid sabhi bar late hain dil-KHwah guru

    nit lutf-o-karam se karte hain hum logon ka nirbah guru

    is baKHshish ke is azmat ke hain baba nanak shah guru

    sab sis nawa ardas karo aur har dam bolo wah guru

    har aan dilon wich yan apne jo dhyan guru ka dharte hain

    aur sewak ho kar un ke hi har surat beach kahate hain

    gird apni lutf-o-inayat se sukh chain unhen dikhlate hain

    KHush rakhte hain har haal unhen sab man ka kaj banate hain

    is baKHshish ke is azmat ke hain baba nanak shah guru

    sab sis nawa ardas karo aur har dam bolo wah guru

    din raat jinhon ne yan dil wich hai yaad guru se kaam liya

    sab man ke maqsad bhar pae KHush-waqti ka hangam liya

    dukh dard mein apne dhyan laga jis waqt guru ka nam liya

    pal beach guru ne aan unhen KHush-haal kiya aur tham liya

    is baKHshish ke is azmat ke hain baba nanak shah guru

    sab sis nawa ardas karo aur har dam bolo wah guru

    altaf jinhon par hain un ke so KHubi hasil hai un ko

    har aan 'nazir' ab yan tum bhi to baba nanak shah kaho

    is baKHshish ke is azmat ke hain baba nanak shah guru

    sab sis nawa ardas karo aur har dam bolo wah guru

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY