aks-rez

Tripurari

aks-rez

Tripurari

MORE BYTripurari

    sub.h ke tiin bajne vaale haiñ

    niiñd hai duur merī āñkhoñ se

    karvaTeñ yuuñ badal rahā huuñ maiñ

    āḳhirī raat jaise rogī

    chāñdnī ris rahī hai khiḌkī se

    ok meñ bhar ke rahā huuñ maiñ

    yaad aa rahī hai bachpan

    āsmāñ bhar rahā hai tāroñ se

    jhīñguroñ sadā hai kānoñ meñ

    jugnuoñ ka.ī qatāreñ haiñ

    ik chatā.ī bichhī hai āñgan meñ

    jis pe leTe hue haiñ bābū-jī

    paas baiThā huā huuñ maiñ un ke

    gin rahā huuñ hasīn tāroñ ko

    ek hairat hai merī āñkhoñ meñ

    saat aaTh rahā hūñgā

    sāmne mere thoḌī duurī par

    ek chūlhā hai ḳhaas miTTī

    khiir puurī pakā rahī hai maañ

    man man gungunā rahī hai maañ

    ghar ke chaukhaT ke paas maddhyam

    ik nayā lālTain jaltā hai

    dūsrī samt mere āñgan ke

    saath bachhḌe ke gaay baiThī hai

    kar rahī hai jugālī dhīre se

    yaad ab miT rahī hai bachpan

    sub.h ke pāñch baj chuke haiñ aur

    chāñdnī chukī hai kamre se

    ūñghtā hai vo āḳhirī taara

    shor karne lage haiñ kuchh panchhī

    ik muazzin azaan detā hai

    baat kuchh aur der hai

    surḳh sūraj dikhā.ī degā ab

    phail jā.egī dhuup āhista

    aur maiñ roz tarah apnī

    laash hāthoñ meñ ḳhud uThā.ūñgā

    aur bhaTkūñgā shahr meñ din-bhar

    sirf do gaz kafan ḳhātir par

    kaun jaane kafan mile na mile

    ruuh ko ik badan mile na mile

    subh ke tin bajne wale hain

    nind hai dur meri aankhon se

    karwaTen yun badal raha hun main

    aaKHiri raat jaise rogi ki

    chandni ris rahi hai khiDki se

    ok mein bhar ke pi raha hun main

    yaad si aa rahi hai bachpan ki

    aasman bhar raha hai taron se

    jhinguron ki sada hai kanon mein

    jugnuon ki kai qataren hain

    ek chatai bichhi hai aangan mein

    jis pe leTe hue hain babu-ji

    pas baiTha hua hun main un ke

    gin raha hun hasin taron ko

    ek hairat hai meri aankhon mein

    sat ya aaTh ka raha hunga

    samne mere thoDi duri par

    ek chulha hai KHas miTTi ka

    khir puri paka rahi hai man

    man hi man gunguna rahi hai man

    ghar ke chaukhaT ke pas hi maddhyam

    ek naya lalTain jalta hai

    dusri samt mere aangan ke

    sath bachhDe ke gay baiThi hai

    kar rahi hai jugali dhire se

    yaad ab miT rahi hai bachpan ki

    subh ke panch baj chuke hain aur

    chandni ja chuki hai kamre se

    unghta hai wo aaKHiri tara

    shor karne lage hain kuchh panchhi

    ek muazzin azan deta hai

    baat kuchh aur der ki hi hai

    surKH suraj dikhai dega ab

    phail jaegi dhup aahista

    aur main roz ki tarah apni

    lash hathon mein KHud uThaunga

    aur bhaTkunga shahr mein din-bhar

    sirf do gaz kafan ki KHatir par

    kaun jaane kafan mile na mile

    ruh ko ek badan mile na mile

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY