aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

samundar ka bulawa

Meeraji

samundar ka bulawa

Meeraji

MORE BYMeeraji

    ye sargoshiyāñ kah rahī haiñ ab aao ki barsoñ se tum ko bulāte bulāte mire

    dil pe gahrī thakan chhā rahī hai

    kabhī ek pal ko kabhī ek arsa sadā.eñ sunī haiñ magar ye anokhī nidā aa rahī hai

    bulāte bulāte to koī na ab tak thakā hai na ā.inda shāyad thakegā

    mire pyāre bachche mujhe tum se kitnī mohabbat hai dekho agar

    yuuñ kiyā to

    burā mujh se baḌh kar na koī bhī hogā ḳhudāyā ḳhudāyā

    kabhī ek siskī kabhī ik tabassum kabhī sirf tevarī

    magar ye sadā.eñ to aatī rahī haiñ

    inhī se hayāt-e-do-rozā abad se milī hai

    magar ye anokhī nidā jis pe gahrī thakan chhā rahī hai

    ye har ik sadā ko miTāne dhamkī diye rahī hai

    ab āñkhoñ meñ jumbish na chehre pe koī tabassum na tevarī

    faqat kaan sunte chale rahe haiñ

    ye ik gulistāñ hai havā lahlahātī hai kaliyāñ chaTaktī haiñ

    ġhunche mahakte haiñ aur phuul khilte haiñ khil khil ke murjhā ke

    girte haiñ ik farsh-e-maḳhmal banāte haiñ jis par

    mirī ārzūoñ pariyāñ ajab aan se yuuñ ravāñ haiñ

    ki jaise gulistāñ ik ā.īna hai

    isī ā.īne se har ik shakl nikhrī sañvar kar miTī aur miT ga.ī phir na ubhrī

    ye parbat hai ḳhāmosh sākin

    kabhī koī chashma ubalte hue pūchhtā hai ki us chaTānoñ ke us paar kyā hai

    magar mujh ko parbat dāman kaafī hai dāman meñ vaadī hai vaadī meñ naddī

    hai naddī meñ bahtī huī naav ā.īna hai

    isī ā.īne meñ har ik shakl nikhrī magar ek pal meñ jo miTne lagī hai to

    phir na ubhrī

    ye sahrā hai phailā huā ḳhushk be-barg sahrā

    bagūle yahāñ tund bhūtoñ aks-e-mojassam bane haiñ

    magar maiñ to duur ek peḌoñ ke jhurmuT pe apnī nigāheñ jamā.e hue huuñ

    na ab koī sahrā na parbat na koī gulistāñ

    ab āñkhoñ meñ jumbish na chehre pe koī tabassum na tevarī

    faqat ek anokhī sadā kah rahī hai ki tum ko bulāte bulāte mire dil pe

    gahrī thakan chhā rahī hai

    bulāte bulāte to koī na ab tak thakā hai na shāyad thakegā

    to phir ye nidā ā.īna hai faqat maiñ thakā huuñ

    na sahrā na parbat na koī gulistāñ faqat ab samundar bulātā hai mujh ko

    ki har shai samundar se aa.ī samundar meñ kar milegī

    ye sargoshiyan kah rahi hain ab aao ki barson se tum ko bulate bulate mere

    dil pe gahri thakan chha rahi hai

    kabhi ek pal ko kabhi ek arsa sadaen suni hain magar ye anokhi nida aa rahi hai

    bulate bulate to koi na ab tak thaka hai na aainda shayad thakega

    mere pyare bachche mujhe tum se kitni mohabbat hai dekho agar

    yun kiya to

    bura mujh se baDh kar na koi bhi hoga KHudaya KHudaya

    kabhi ek siski kabhi ek tabassum kabhi sirf tewari

    magar ye sadaen to aati rahi hain

    inhi se hayat-e-do-roza abad se mili hai

    magar ye anokhi nida jis pe gahri thakan chha rahi hai

    ye har ek sada ko miTane ki dhamki diye ja rahi hai

    ab aankhon mein jumbish na chehre pe koi tabassum na tewari

    faqat kan sunte chale ja rahe hain

    ye ek gulistan hai hawa lahlahati hai kaliyan chaTakti hain

    ghunche mahakte hain aur phul khilte hain khil khil ke murjha ke

    girte hain ek farsh-e-maKHmal banate hain jis par

    meri aarzuon ki pariyan ajab aan se yun rawan hain

    ki jaise gulistan hi ek aaina hai

    isi aaine se har ek shakl nikhri sanwar kar miTi aur miT hi gai phir na ubhri

    ye parbat hai KHamosh sakin

    kabhi koi chashma ubalte hue puchhta hai ki us ki chaTanon ke us par kya hai

    magar mujh ko parbat ka daman hi kafi hai daman mein wadi hai wadi mein naddi

    hai naddi mein bahti hui naw hi aaina hai

    isi aaine mein har ek shakl nikhri magar ek pal mein jo miTne lagi hai to

    phir na ubhri

    ye sahra hai phaila hua KHushk be-barg sahra

    bagule yahan tund bhuton ka aks-e-mojassam bane hain

    magar main to dur ek peDon ke jhurmuT pe apni nigahen jamae hue hun

    na ab koi sahra na parbat na koi gulistan

    ab aankhon mein jumbish na chehre pe koi tabassum na tewari

    faqat ek anokhi sada kah rahi hai ki tum ko bulate bulate mere dil pe

    gahri thakan chha rahi hai

    bulate bulate to koi na ab tak thaka hai na shayad thakega

    to phir ye nida aaina hai faqat main thaka hun

    na sahra na parbat na koi gulistan faqat ab samundar bulata hai mujh ko

    ki har shai samundar se aai samundar mein ja kar milegi

    Videos
    This video is playing from YouTube

    Videos
    This video is playing from YouTube

    Shamsur Rahman Faruqi

    Shamsur Rahman Faruqi

    RECITATIONS

    Shamsur Rahman Faruqi

    Shamsur Rahman Faruqi,

    Shamsur Rahman Faruqi

    samundar ka bulawa Shamsur Rahman Faruqi

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now