holi

MORE BYNazeer Banarasi

    kahīñ paḌe na mohabbat maar holī meñ

    adā se prem karo dil se pyaar holī meñ

    gale meñ Daal do bāñhoñ haar holī meñ

    utāro ek baras ḳhumār holī meñ

    milo gale se gale baar baar holī meñ

    lagā ke aag baḌhī aage raat jogan

    na.e libās meñ aa.ī hai sub.h mālan

    nazar nazar hai kuñvārī adā adā kamsin

    haiñ rañg rañg se sab rañg-bār holī meñ

    milo gale se gale baar baar holī meñ

    havā har ek ko chal phir ke gudgudātī hai

    nahīñ jo hañste unheñ chheḌ kar hañsātī hai

    hayā guloñ ko to kaliyoñ ko sharm aatī hai

    baḌhāo baḌh ke chaman vaqār holī meñ

    milo gale se gale baar baar holī meñ

    ye kis ne rañg bharā har kalī pyālī meñ

    gulāl rakh diyā kis ne guloñ thālī meñ

    kahāñ mastī hai mālan meñ aur maalī meñ

    yahī haiñ saare chaman pukār holī meñ

    milo gale se gale baar baar holī meñ

    tumhīñ se phuul chaman ke tumhīñ se phulvārī

    sajā.e jaao diloñ ke gulāb kyārī

    chalā.e jaao nashīlī nazar se pichkārī

    luTā.e jaao barābar bahār holī meñ

    milo gale se gale baar baar holī meñ

    mile ho baara mahīnoñ dekh-bhāl ke ba.ad

    ye din sitāre dikhāte haiñ kitnī chaal ke ba.ad

    ye din gayā to phir aa.egā ek saal ke ba.ad

    nigāheñ karte chalo chaar yaar holī meñ

    milo gale se gale baar baar holī meñ

    burā.ī aaj na aise rahe na vaise rahe

    safā.ī dil meñ rahe aaj chāhe jaise rahe

    ġhubār dil meñ kisī ke rahe to kaise rahe

    abiir uḌtī hai ban kar ġhubār holī meñ

    milo gale se gale baar baar holī meñ

    hayā meñ Dūbne vaale bhī aaj ubharte haiñ

    hasīn shoḳhiyāñ karte hue guzarte haiñ

    jo choT se kabhī bachte the choT karte haiñ

    hiran bhī khel rahe haiñ shikār holī meñ

    milo gale se gale baar baar holī meñ

    kahin paDe na mohabbat ki mar holi mein

    ada se prem karo dil se pyar holi mein

    gale mein Dal do banhon ka haar holi mein

    utaro ek baras ka KHumar holi mein

    milo gale se gale bar bar holi mein

    laga ke aag baDhi aage raat ki jogan

    nae libas mein aai hai subh ki malan

    nazar nazar hai kunwari ada ada kamsin

    hain rang rang se sab rang-bar holi mein

    milo gale se gale bar bar holi mein

    hawa har ek ko chal phir ke gudgudati hai

    nahin jo hanste unhen chheD kar hansati hai

    haya gulon ko to kaliyon ko sharm aati hai

    baDhao baDh ke chaman ka waqar holi mein

    milo gale se gale bar bar holi mein

    ye kis ne rang bhara har kali ki pyali mein

    gulal rakh diya kis ne gulon ki thaali mein

    kahan ki masti hai malan mein aur mali mein

    yahi hain sare chaman ki pukar holi mein

    milo gale se gale bar bar holi mein

    tumhin se phul chaman ke tumhin se phulwari

    sajae jao dilon ke gulab ki kyari

    chalae jao nashili nazar se pichkari

    luTae jao barabar bahaar holi mein

    milo gale se gale bar bar holi mein

    mile ho bara mahinon ki dekh-bhaal ke baad

    ye din sitare dikhate hain kitni chaal ke baad

    ye din gaya to phir aaega ek sal ke baad

    nigahen karte chalo chaar yar holi mein

    milo gale se gale bar bar holi mein

    burai aaj na aise rahe na waise rahe

    safai dil mein rahe aaj chahe jaise rahe

    ghubar dil mein kisi ke rahe to kaise rahe

    abir uDti hai ban kar ghubar holi mein

    milo gale se gale bar bar holi mein

    haya mein Dubne wale bhi aaj ubharte hain

    hasin shoKHiyan karte hue guzarte hain

    jo choT se kabhi bachte the choT karte hain

    hiran bhi khel rahe hain shikar holi mein

    milo gale se gale bar bar holi mein

    Source :
    • Book : Kulliyat-e-Nazeer Banarasi (Pg. 383)
    • Author : naziir banarsi
    • Publication : Educational Publishing House, Delhi (2014)
    • Edition : 2014

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY