9
ik umr dil ke paas rahā vo magar kahīñ
jab bhī milā to jaise ki kuchh jāntā nahīñ
āñkhoñ meñ ik ajiib shanāsā.ī thī magar
gahrā.iyoñ meñ dil kī pazīrā.ī thī magar
dekhā kuchh is tarah se ki pahchāntā nahīñ
kuchh ham se āshnā.ī hai ye māntā nahīñ
maiñ ne kahā ki tum se mulāqāt hai bahut
har roz rasm-o-rāh-e-mudārāt hai bahut
kahne lagā ki koī ḳhalish hai nigāh meñ
haa.il hai fāsla koī barsoñ kā raah meñ
mahv-e-safar haiñ aur abhī ham-safar nahīñ
hamrāh dil ke dil hai magar rahguzar nahīñ
ḳhvāboñ meñ sub.h-o-shām mile bhī agar to kyā
do-chār phuul dil meñ khile bhī agar to kyā
jo kuchh dil-o-nigāh ne chāhā vo ho gayā
ye sochā dil ne aur nigāhoñ meñ kho gayā
ek umr dil ke pas raha wo magar kahin
jab bhi mila to jaise ki kuchh jaanta nahin
aankhon mein ek ajib shanasai thi magar
gahraiyon mein dil ki pazirai thi magar
dekha kuchh is tarah se ki pahchanta nahin
kuchh hum se aashnai hai ye manta nahin
main ne kaha ki tum se mulaqat hai bahut
har roz rasm-o-rah-e-mudaraat hai bahut
kahne laga ki koi KHalish hai nigah mein
hail hai fasla koi barson ka rah mein
mahw-e-safar hain aur abhi ham-safar nahin
hamrah dil ke dil hai magar rahguzar nahin
KHwabon mein subh-o-sham mile bhi agar to kya
do-chaar phul dil mein khile bhi agar to kya
jo kuchh dil-o-nigah ne chaha wo ho gaya
ye socha dil ne aur nigahon mein kho gaya
Source:
saarii nazmen (Pg. 586)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.