zehn

Tripurari

zehn

Tripurari

MORE BYTripurari

    ye da.avā hai

    jahāñ meñ chand logoñ

    ki ham ne zindagī ko jiit rakkhā hai

    hamāre paas ya.anī atomī hathiyār haiñ itne

    hamārā dost nanhā alien bhī hai

    karoḌoñ saal tārīḳh ko ab jānte haiñ ham

    ki ham ne maut par ab fat.h hai

    planet mars par paanī bhī DhūñDā hai

    ye sab kahte hue aksar

    vo shāyad bhuul jaate haiñ

    abhī ik chiiz baaqī hai ki jo un-mapped hai ab tak

    jise ham zehn kahte haiñ

    hamāre science-dānoñ ne bhī maanā hai

    ki ab tak kuchh hissa zehn

    ham jaan paa.e haiñ

    bahut kuchh hai jise ab bhī hameñ D-code karnā hai

    maiñ aksar sochtā huuñ

    soch kar hairān hotā huuñ

    faqat kuchh gram ke is zehn se ye saarī halchal hai

    sitāre chāñd sūraj titliyāñ jugnū bharī rāteñ

    ye saara art aur us art par tanqīd jo kuchh hai

    kitāboñ se bharī har library

    aur insānoñ ke dil meñ baḌh rahī duurī

    kahīñ nārāzgī āñkhoñ meñ bhar kar ḳhud meñ ghuTnā

    kahīñ par bhuuk bīmārī politics power

    ye fb aur twitter par jo jaarī haiñ sabhī bahseñ

    aur instagram par har pal tasvīreñ

    ye duniyā-bhar filmeñ aur festival

    ye mere sāmne baiThe hue phūloñ se nāzuk log

    mire hoñThoñ se ek ik nazm yuuñ TūTte rahnā

    faqat kuchh gram ke is zehn se saarī halchal hai

    nigāheñ moḌ kar ye dekhnā merā

    tumhārā muskurānā bhī

    falak ko dekh kar yuuñ ruuTh jaanā bhī

    ki apnī zindagī meñ raushnī ke naam par

    kuchh bhī nahīñ hai

    aur ye kyā khel hai

    jis meñ mahz māteñ māteñ haiñ

    mahz ghāteñ ghāteñ haiñ

    magar ye dukh jo ham ko rāt-din mahsūs hotā hai

    hamāre zehn se uThtā dhuāñ hai bas

    agar ham ġhaur se dekheñ to Dheroñ raaz khulte haiñ

    ki maiñ tum se agar kahtā huuñ

    tum se ishq kartā huuñ

    to ye sun kar tumhārī saañs lai tez chaltī hai

    yahī anfās parda

    jo uThtā hai

    jo girtā hai

    isī anfās ke parde ke pīchhe se

    hamārā zehn sab kuchh dekhtā hai

    sochtā hai baat kartā hai

    sadī se band darvāzoñ ke pīchhe se

    koī āvāz aatī hai

    hameñ lagtā hai ye sab kuchh hamīñ to kar rahe haiñ

    par haqīqat aur kuchh hai

    hameñ ma.alūm karnā hai

    ki jalte zehn ke jañgal raaja kaun hai āḳhir

    hameñ ma.alūm karnā hai

    hamāre zehn meñ chhup kar ishāre kaun kartā hai

    ye kis ke hukm par ham roz marte aur jiite haiñ

    ye kis ke vāste ham zindagī zahr piite haiñ

    ye dawa hai

    jahan mein chand logon ka

    ki hum ne zindagi ko jit rakkha hai

    hamare pas yani atomi hathiyar hain itne

    hamara dost nanha alien bhi hai

    karoDon sal ki tariKH ko ab jaante hain hum

    ki hum ne maut par ab fath pa li hai

    planet mars par pani bhi DhunDa hai

    ye sab kahte hue aksar

    wo shayad bhul jate hain

    abhi ek chiz baqi hai ki jo un-mapped hai ab tak

    jise hum zehn kahte hain

    hamare science-danon ne bhi mana hai

    ki ab tak kuchh hi hissa zehn ka

    hum jaan pae hain

    bahut kuchh hai jise ab bhi hamein D-code karna hai

    main aksar sochta hun

    soch kar hairan hota hun

    faqat kuchh gram ke is zehn se ye sari halchal hai

    sitare chand suraj titliyan jugnu bhari raaten

    ye sara art aur us art par tanqid jo kuchh hai

    kitabon se bhari har library

    aur insanon ke dil mein baDh rahi duri

    kahin naraazgi aankhon mein bhar kar KHud mein hi ghuTna

    kahin par bhuk bimari ya politics ki power

    ye fb aur twitter par jo jari hain sabhi bahsen

    aur instagram par har pal ki taswiren

    ye duniya-bhar ki filmen aur festiwal

    ye mere samne baiThe hue phulon se nazuk log

    mere honThon se ek ek nazm ka yun TuTte rahna

    faqat kuchh gram ke is zehn se hi sari halchal hai

    nigahen moD kar ye dekhna mera

    tumhaara muskurana bhi

    falak ko dekh kar yun ruTh jaana bhi

    ki apni zindagi mein raushni ke nam par

    kuchh bhi nahin hai

    aur ye kya khel hai

    jis mein mahz maten hi maten hain

    mahz ghaten hi ghaten hain

    magar ye dukh jo hum ko raat-din mahsus hota hai

    hamare zehn se uThta dhuan hai bas

    agar hum ghaur se dekhen to Dheron raaz khulte hain

    ki main tum se agar kahta hun

    tum se ishq karta hun

    to ye sun kar tumhaari sans ki lai tez chalti hai

    yahi anfas ka parda

    jo uThta hai

    jo girta hai

    isi anfas ke parde ke pichhe se

    hamara zehn sab kuchh dekhta hai

    sochta hai baat karta hai

    sadi se band darwazon ke pichhe se

    koi aawaz aati hai

    hamein lagta hai ye sab kuchh hamin to kar rahe hain

    par haqiqat aur hi kuchh hai

    hamein malum karna hai

    ki jalte zehn ke jangal ka raja kaun hai aaKHir

    hamein malum karna hai

    hamare zehn mein chhup kar ishaare kaun karta hai

    ye kis ke hukm par hum roz marte aur jite hain

    ye kis ke waste hum zindagi ka zahr pite hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY