aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aabu mein barsat

JaiKrishn Chaudhry Habeeb

aabu mein barsat

JaiKrishn Chaudhry Habeeb

MORE BYJaiKrishn Chaudhry Habeeb

    abr yuuñ chhā rahā hai aabū par

    jaise pahrā ho dhundlī shāmoñ par

    ki aa.eñ nazar siyah saa.e

    larzāñ larzāñ bilaurī jāmoñ par

    ye ghaTā chhā rahī hai sāvan

    zulf bikhrī hai tire ruḳh par

    bādaloñ meñ chamaktī hai bijlī

    hañsī phūTī hai tire ruḳh par

    girtī hai bādaloñ se yuuñ būñdeñ

    jām-e-labrez juuñ chhalaktā hai

    jhūmte haiñ havā se yuuñ ashjār

    riñd ke juuñ bahaktā hai

    sabza phūTā hai ye pahāḌoñ par

    koī narm pairahan hai ye

    hai ye rañg-e-bahār zeb-e-nazar

    sabz joḌe phaban hai ye

    jhiil se yuuñ lipaT gayā kohrā

    bachcha ik maañ se juuñ lipaT jaa.e

    ki bichhḌī huī doshīza

    aa ke āġhosh meñ simaT jaa.e

    chiir ke bādaloñ ko ek kiran

    daf.atan jhiil par thirak jaa.e

    jis tarah ik urūs-e-nau kahīñ

    ruḳh se āñchal kabhī sarak jaa.e

    duur kohsār meñ ye girte hue

    saaz bajte haiñ ābshāroñ ke

    qahqahe jaise nuqra.ī se kahīñ

    guuñj uThte haiñ māh-pāroñ ke

    kaale ujle se tairte bādal

    jhiil sat.h par chamakte haiñ

    naqsh jis tarah rañj-o-rāhat ke

    dil ke ā.īne meñ jhalakte haiñ

    ThanDī ThanDī havā ke jhoñkoñ meñ

    yuuñ mirā iztirāb kho jaa.e

    jaise rotā bisūrta bachcha

    god meñ maañ thak ke so jaa.e

    ek chanchal havā ke jhoñke se

    sat.h-e-hamvār-e-āb hil jaa.e

    jaise bād-e-sabā jumbish se

    ġhuncha-e-nīm-bāz khil jaa.e

    guuñj kar jaise nai-navāz nai

    shab sannāTā toḌ detī hai

    yūñhī so.e hue mire dil ko

    yaad koī jhiñjhoḌ detī hai

    jhāñk kar bādaloñ or se yuuñ

    jhiil par chāñd thartharātā hai

    jaise maazī ke dhuñdlakoñ se kahīñ

    ik hasīñ chehra muskurātā hai

    abr yun chha raha hai aabu par

    jaise pahra ho dhundli shamon par

    ya ki aaen nazar siyah sae

    larzan larzan bilauri jamon par

    ye ghaTa chha rahi hai sawan ki

    zulf bikhri hai ya tere ruKH par

    baadalon mein chamakti hai bijli

    hansi phuTi hai ya tere ruKH par

    girti hai baadalon se yun bunden

    jam-e-labrez jun chhalakta hai

    jhumte hain hawa se yun ashjar

    rind pi pi ke jun bahakta hai

    sabza phuTa hai ye pahaDon par

    ya koi narm pairahan hai ye

    hai ye rang-e-bahaar zeb-e-nazar

    sabz joDe ki ya phaban hai ye

    jhil se yun lipaT gaya kohra

    bachcha ek man se jun lipaT jae

    ya ki bichhDi hui si doshiza

    aa ke aaghosh mein simaT jae

    chir ke baadalon ko ek kiran

    dafatan jhil par thirak jae

    jis tarah ek urus-e-nau ka kahin

    ruKH se aanchal kabhi sarak jae

    dur kohsar mein ye girte hue

    saz bajte hain aabshaaron ke

    qahqahe jaise nuqrai se kahin

    gunj uThte hain mah-paron ke

    kale ujle se tairte baadal

    jhil ki sath par chamakte hain

    naqsh jis tarah ranj-o-rahat ke

    dil ke aaine mein jhalakte hain

    ThanDi ThanDi hawa ke jhonkon mein

    yun mera iztirab kho jae

    jaise rota bisurta bachcha

    god mein man ki thak ke so jae

    ek chanchal hawa ke jhonke se

    sath-e-hamwar-e-ab hil jae

    jaise baad-e-saba ki jumbish se

    ghuncha-e-nim-baz khil jae

    gunj kar jaise nai-nawaz ki nai

    shab ka sannaTa toD deti hai

    yunhi soe hue mere dil ko

    yaad koi jhinjhoD deti hai

    jhank kar baadalon ki or se yun

    jhil par chand thartharaata hai

    jaise mazi ke dhundlakon se kahin

    ek hasin chehra muskuraata hai

    Source:

    نغمۂ زندگی (Pg. 91)

    • Author: جے کرشن چودھری حبیب
      • Publisher: جے کرشن چودھری حبیب
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now