aadarsh

lailā-e-shauq kī zulfoñ se ulajh kar maiñ ne

dekh lī husn ke ā.īne meñ tasvīr-e-junūñ

karvaTeñ letā hai is tarah ye ehsās-e-jamāl

jaise girtī huī dīvār pe ho ḳhizr kā haath

dhīme dhīme se chalī vādī-e-aiman kī havā

ġham ke hāthoñ bhī sañvar jaatī hai tāroñ-bharī raat

kaun kahtā hai ki duniyā ko bhulā baiThā huuñ

TuuT saktā hai bhalā yuuñ bhī kisī kā pindār

maut ho jā.egī pāmāl inhīñ rāhoñ meñ

laġhzish-e-pā meñ simaT aaya hai vahshī kirdār

jab kabhī gesu-e-mushkīñ se uThī kaalī ghaTā

pahlū-e-shauq se ubhrā hai junūñ kā tūfāñ

sho.ala-e-barq-o-sharar phuul banā kis ke liye

bech aaya hai koī us kī galī meñ īmāñ

ḳhvāb sā dekh rahā huuñ magar is mahfil se

toḌ kar jām-o-subū aaj chalā aaya huuñ

mai-e-gul-rang se chhalkā.ūñgā har sāġhar ko

apne hamrāh do aalam kā nasha laayā huuñ

laila-e-shauq ki zulfon se ulajh kar main ne

dekh li husn ke aaine mein taswir-e-junun

karwaTen leta hai is tarah ye ehsas-e-jamal

jaise girti hui diwar pe ho KHizr ka hath

dhime dhime se chali wadi-e-aiman ki hawa

gham ke hathon bhi sanwar jati hai taron-bhari raat

kaun kahta hai ki duniya ko bhula baiTha hun

TuT sakta hai bhala yun bhi kisi ka pindar

maut ho jaegi pamal inhin rahon mein

laghzish-e-pa mein simaT aaya hai wahshi kirdar

jab kabhi gesu-e-mushkin se uThi kali ghaTa

pahlu-e-shauq se ubhra hai junun ka tufan

shoala-e-barq-o-sharar phul bana kis ke liye

bech aaya hai koi us ki gali mein iman

KHwab sa dekh raha hun magar is mahfil se

toD kar jam-o-subu aaj chala aaya hun

mai-e-gul-rang se chhalkaunga har saghar ko

apne hamrah do aalam ka nasha laya hun