aadat

Kaifi Azmi

aadat

Kaifi Azmi

MORE BYKaifi Azmi

    muddatoñ maiñ ik andhe kueñ meñ asiir

    sar paTaktā rahā giḌgiḌātā rahā

    raushnī chāhiye، chāñdnī chāhiye، zindagī chāhiye

    raushnī pyaar kii, chāñdnī yaar kii, zindagī daar

    apnī āvāz suntā rahā raat din

    dhīre dhīre yaqīñ dil ko aatā rahā

    suune sansār meñ

    bevafā yaar meñ

    dāmn-e-dār meñ

    raushnī bhī nahīñ

    chāñdnī bhī nahīñ

    zindagī bhī nahīñ

    zindagī ek raat

    vāhima kā.enāt

    aadmī be-bisāt

    log kotāh-qad

    shahr shahr-e-hasad

    gaañv in se bhī bad

    in añdheroñ ne jab piis Daalā mujhe

    phir achānak kueñ ne uchhālā mujhe

    apne siine se bāhar nikālā mujhe

    saikḌoñ misr the sāmne

    saikḌoñ us ke bāzār the

    ek būḌhī zuleḳhā nahīñ

    jaane kitne ḳharīdār the

    baḌhtā jaatā thā yūsuf mol

    log bikne ko tayyār the

    khul ga.e mah-jabīnoñ ke sar

    reshmī chādareñ haT ga.iiñ

    palkeñ jhapkīñ na nazreñ jhukīñ

    marmarīñ uñgliyāñ kaT ga.iiñ

    haath dāman tak aayā koī

    dhajjiyāñ duur tak baT ga.iiñ

    maiñ ne Dar ke lagā kueñ meñ chhalāñg

    sar paTakne lagā phir isī karb se

    phir isī dard se giḌgiḌāne lagā

    raushnī chāhiye chāñdnī chāhiye zindagī chāhiye

    muddaton main ek andhe kuen mein asir

    sar paTakta raha giDgiData raha

    raushni chahiye، chandni chahiye، zindagi chahiye

    raushni pyar ki, chandni yar ki, zindagi dar ki

    apni aawaz sunta raha raat din

    dhire dhire yaqin dil ko aata raha

    sune sansar mein

    bewafa yar mein

    damn-e-dar mein

    raushni bhi nahin

    chandni bhi nahin

    zindagi bhi nahin

    zindagi ek raat

    wahima kaenat

    aadmi be-bisat

    log kotah-qad

    shahr shahr-e-hasad

    ganw in se bhi bad

    in andheron ne jab pis Dala mujhe

    phir achanak kuen ne uchhaala mujhe

    apne sine se bahar nikala mujhe

    saikDon misr the samne

    saikDon us ke bazar the

    ek buDhi zuleKHa nahin

    jaane kitne KHaridar the

    baDhta jata tha yusuf ka mol

    log bikne ko tayyar the

    khul gae mah-jabinon ke sar

    reshmi chadaren haT gain

    palken jhapkin na nazren jhukin

    marmarin ungliyan kaT gain

    hath daman tak aaya koi

    dhajjiyan dur tak baT gain

    main ne Dar ke laga di kuen mein chhalang

    sar paTakne laga phir isi karb se

    phir isi dard se giDgiDane laga

    raushni chahiye chandni chahiye zindagi chahiye

    Videos
    This video is playing from YouTube

    Videos
    This video is playing from YouTube

    Kaifi Azmi

    Kaifi Azmi

    Kaifi Azmi

    Kaifi Azmi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now