aadha badan
mas.aloñ ke yaḳh-basta sahrā meñ
merā aadhā badan dhañs chukā hai
barsoñ se maiñ gaḌā huā huuñ
barf ke andar khaḌā huā huuñ
ka.ī baar
merā badan mukammal taur par barf ke andar dhañs chukā hai
vo sūraj
ḳhudā kā sūraj
sab ke ḳhudā kā sūraj
jis kī shuā.eñ
maslahat kā malbūs oḌh kar
mere qarīb merā mizāj pūchhne ke liye aatī haiñ
aur
mere sar se aadhe badan tak barf ko chaaT kar
mere badan ko uryāñ kar ke chalī jaatī haiñ
aur
āsmān kī apnī sunahrī masnad par baiTh kar
merī uryāniyat se lutf-andoz hotī haiñ
masalon ke yaKH-basta sahra mein
mera aadha badan dhans chuka hai
barson se main gaDa hua hun
barf ke andar khaDa hua hun
kai bar
mera badan mukammal taur par barf ke andar dhans chuka hai
wo suraj
KHuda ka suraj
sab ke KHuda ka suraj
jis ki shuaen
maslahat ka malbus oDh kar
mere qarib mera mizaj puchhne ke liye aati hain
aur
mere sar se aadhe badan tak barf ko chaT kar
mere badan ko uryan kar ke chali jati hain
aur
aasman ki apni sunahri masnad par baiTh kar
meri uryaniyat se lutf-andoz hoti hain
Source:
Tahreek Jild 29 Shumara 3 June 1981-Svk (Pg. 29)
-
- Publisher: Gopal Mittal
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
