aaine nazar ke gard hue

Sajida Zaidi

aaine nazar ke gard hue

Sajida Zaidi

MORE BYSajida Zaidi

    INTERESTING FACT

    (30 December 1979)

    jab dard ke naate TuuT ga.e

    jab manzar manzar phaile hue

    an-dekhe lambe hāthoñ ne

    sab ahd purāne luuT liye

    maazī ke ḳhazāne luuT liye

    sab ishq ke da.ave ruuTh ga.e

    jaañ guñg huī dil chhūT ga.e

    har zaḳhm-e-tamannā raakh huā

    jo sho.ala-e-jāñ tharrātā huā

    shaffāf añdherī rātoñ meñ

    raqsāñ thā falak ke ziine par

    thak-hār ke āḳhir baiTh rahā

    maTiyāle behis retīle in rastoñ par

    vo raste

    jin par rishtoñ ke

    raushan chehre rū-posh hue

    vo jin ke shor-sharābe meñ

    man āvāz Duub ga.iiñ

    dil ke hañgāme sard hue

    ā.īne nazar ke gard hue

    vo raste bhī kyā raste the

    har chār-taraf

    ik dhuñd ḳhākī chādar thī

    aur us ke aage hadd-e-nazar tak

    phailī huī

    be-jāñ lafzoñ

    be-mehr yugoñ

    daldal thī

    vo shola-e-raqsāñ hairāñ thā

    vo dīda-e-hairāñ giryāñ thā

    vo zehn-e-pareshāñ larzāñ thā

    ik dil nagar so vīrāñ thā

    ik raahī thā jo un be-mehr fazāoñ meñ

    shauq-e-parvāz se

    ḳhū-e-safar betābī se hirāsāñ thā

    kuchh chāñd maddham kirneñ thiiñ

    jo dard ke saare rāzoñ se

    vāqif thiiñ magar

    in maTiyāle behis gadle

    rastoñ se

    vo bhī gurezāñ thiiñ

    jab dard ke nate TuT gae

    jab manzar manzar phaile hue

    an-dekhe lambe hathon ne

    sab ahd purane luT liye

    mazi ke KHazane luT liye

    sab ishq ke dawe ruTh gae

    jaan gung hui dil chhuT gae

    har zaKHm-e-tamanna rakh hua

    jo shoala-e-jaan tharraata hua

    shaffaf andheri raaton mein

    raqsan tha falak ke zine par

    thak-haar ke aaKHir baiTh raha

    maTiyale behis retile in raston par

    wo raste

    jin par rishton ke

    raushan chehre ru-posh hue

    wo jin ke shor-sharabe mein

    man ki aawaz Dub gain

    dil ke hangame sard hue

    aaine nazar ke gard hue

    wo raste bhi kya raste the

    har chaar-taraf

    ek dhund ki KHaki chadar thi

    aur us ke aage hadd-e-nazar tak

    phaili hui

    be-jaan lafzon

    be-mehr yugon ki

    daldal thi

    wo shola-e-raqsan hairan tha

    wo dida-e-hairan giryan tha

    wo zehn-e-pareshan larzan tha

    ek dil ka nagar so viran tha

    ek rahi tha jo un be-mehr fazaon mein

    shauq-e-parwaz se

    KHu-e-safar ki betabi se hirasan tha

    kuchh chand ki maddham kirnen thin

    jo dard ke sare raazon se

    waqif thin magar

    in maTiyale behis gadle

    raston se

    wo bhi gurezan thin

    Source
    • Book : Aatish Zeer-e-paa (Pg. 34)
    • Author : Sajidah Zaidi
    • Publication : Sajidah Zaidi, Aligarah (1995)
    • Edition : 1995
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY