aaj bhi

Asrarul Haq Majaz

aaj bhi

Asrarul Haq Majaz

MORE BY Asrarul Haq Majaz

    maiñ huuñ 'majāz' aaj bhī zamzama-e-sanj-o-naġhma-ḳhvāñ

    shā.ir-e-mahfil-e-vafā mutrib-e-bazm-e-dil-barāñ

    aaj bhī ḳhār-zār-e-ġham ḳhuld-e-barīñ mire liye

    aaj bhī rah-guzār-e-ishq mere liye hai kahkashāñ

    aaj bhī rahā huuñ maiñ sāz-e-junūñ liye hue

    soz-e-nihāñ se aaj bhī rūh-e-tapāñ hai dil-tapāñ

    aaj bhī zindagī mirī ġharq-e-sharāb-e-tund-o-tez

    aaj bhī haath meñ mire jām-e-sharāb-e-arġhavāñ

    aaj bhī hai rachī huī aaj bhī hai basī huī

    mere nafas meñ ḳhuld nuz.hat-o-nik.hat-e-javāñ

    aaj bhī nukta-chīñ huuñ maiñ ḳhalvatiyān-e-ḳhās

    ḳhalvatiyān-e-ḳhās aaj bhī huuñ mizāj-dāñ

    aaj bhī ashk-e-ḳhūñ mirā qashqa jabīn-e-nāz

    aaj bhī ḳhāk-e-dil mirī surma-e-chashm-e-gul-ruḳhāñ

    aaj bhī dil ko hai mire daulat-e-āgahī nasīb

    aaj bhī hai nazar mirī arz-o-samāñ rāz-dāñ

    aaj bhī hai junūñ mirā dair-o-haram pe ḳhanda-zan

    aaj bhī mujh se bad-havās dair-o-haram ke pāsbāñ

    aaj bhī saaz se mire garmī-e-bazm-e-sar-kashī

    aaj bhī ātish-e-suḳhan shoa.la-fishāñ sharar-fishāñ

    aaj bhī hai likhī huī surḳh hurūf meñ 'majāz'

    daftar-e-shahr-e-yār meñ mere junūñ dāstāñ

    main hun 'majaz' aaj bhi zamzama-e-sanj-o-naghma-KHwan

    shair-e-mahfil-e-wafa mutrib-e-bazm-e-dil-baran

    aaj bhi KHar-zar-e-gham KHuld-e-barin mere liye

    aaj bhi rah-guzar-e-ishq mere liye hai kahkashan

    aaj bhi ga raha hun main saz-e-junun liye hue

    soz-e-nihan se aaj bhi ruh-e-tapan hai dil-tapan

    aaj bhi zindagi meri gharq-e-sharab-e-tund-o-tez

    aaj bhi hath mein mere jam-e-sharab-e-arghawan

    aaj bhi hai rachi hui aaj bhi hai basi hui

    mere nafas mein KHuld ki nuzhat-o-nikhat-e-jawan

    aaj bhi nukta-chin hun main KHalwatiyan-e-KHas ka

    KHalwatiyan-e-KHas ka aaj bhi hun mizaj-dan

    aaj bhi ashk-e-KHun mera qashqa jabin-e-naz ka

    aaj bhi KHak-e-dil meri surma-e-chashm-e-gul-ruKHan

    aaj bhi dil ko hai mere daulat-e-agahi nasib

    aaj bhi hai nazar meri arz-o-saman ki raaz-dan

    aaj bhi hai junun mera dair-o-haram pe KHanda-zan

    aaj bhi mujh se bad-hawas dair-o-haram ke pasban

    aaj bhi saz se mere garmi-e-bazm-e-sar-kashi

    aaj bhi aatish-e-suKHan shoala-fishan sharar-fishan

    aaj bhi hai likhi hui surKH huruf mein 'majaz'

    daftar-e-shahr-e-yar mein mere junun ki dastan

    Source:

    • Book: Kullyat-e-majaz (Pg. 160)
    • Author: Asrarul Haque Majaz
    • Publication: Kitabi Duniya (2006)
    • Edition: 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites