aaj insan kahan hai

Niyaz Haidar

aaj insan kahan hai

Niyaz Haidar

MORE BYNiyaz Haidar

    maiñ huuñ jis shā.er

    vo insān kahāñ hai

    saarī duniyā jise māntī rahī hai

    vo bhagvān kahāñ hai

    hasīn chehre

    phuul aur kaliyāñ

    jhūmtī shāḳheñ

    daraḳht āshiyāñ

    hariyālī

    nahreñ dariyā sāgar

    ūñche ūñche kohsāroñ bulandiyāñ

    nāchne vaale

    hazār-hā rañgīn parinde

    shaam o sahar ko phūlne vaalī shafaq

    barkhā-rut sat-rañgī dhanak

    sūraj chāñd sitāre

    rātoñ ko jhilmilātī kahkashāñ

    jin ke dekhe se

    bahal jaa.eñ dil

    sukh paa.eñ parān

    ab vo dil vo sukh un parānoñ

    nām-o-nishāñ kahāñ hai

    meñ huuñ jis shā.er

    vo insān kahāñ hai

    saarī duniyā jise māntī rahī hai

    vo bhagvān kahāñ hai

    be-hisāb sadiyoñ āñkheñ

    ek pal meñ

    an-ginat baar jhapaktī palkeñ

    nazar na aane vaalī nazreñ

    chhātī se bachchoñ ko lipTā.e hue mātā.eñ

    khanak-dār chūḌiyoñ bharī kalā.iyāñ

    jin par duudh pilātī mātāoñ

    jhukī huī sharmīlī āñkheñ

    āñchaloñ meñ chhupe hue nanhe nanhe bālak

    chorī chorī mātāoñ chehra tākeñ

    javāniyoñ ke nainoñ se priit ke chalte baan

    aaj us pyaar bhare

    javān jiyoñ armān kahāñ hai

    maiñ huuñ jis shā.er

    vo insān kahāñ hai

    vo insān kahāñ hai

    aaj vo apnī dhartī apne jīvan barbādī

    tayyārī meñ

    veyast hai masrūf hai gum hai

    bachchoñ ke komal badan ke TukḌe

    hathiyāroñ ke vidhān jhāḌiyoñ jañgaloñ meñ

    lā-vāris lāsheñ

    jin ko

    murdār-ḳhor peT bhare jānvar

    khaa.e binā guzar jaa.eñ

    phir khā.īñ kyūñkar

    koī batā.e

    kitnī ibādat-gāheñ

    mandir

    masjid

    girjā ghar aur gurudvāre

    kitnī jaldī Dhaa.e sakte haiñ

    in sab ko halākatoñ ke saaz aur aslahoñ

    godām banā denā behtar hai

    be-gunāhoñ lahū zamīn meñ jazb nahīñ ho saktā

    shāyad kabhī nahīñ

    koī batā.e

    kab ye zamīñ dobāra shola-zār banegī

    kyā koī nahīñ hai

    koī nahīñ?

    jo apnī zamīn ko zindagī jannat banā sake

    ik insānī tāqat

    himmat ik azm ke saath

    des des mulkoñ mulkoñ

    maiñ insān ko lalkāroñgā

    lekin maiñ huuñ jis shā.er

    vo insān kahāñ hai

    saarī duniyā jise māntī rahī hai vo bhagvān kahāñ hai?

    main hun jis ka shaer

    wo insan kahan hai

    sari duniya jise manti rahi hai

    wo bhagwan kahan hai

    hasin chehre

    phul aur kaliyan

    jhumti shaKHen

    daraKHt aashiyan

    hariyali

    nahren dariya sagar

    unche unche kohsaron ki bulandiyan

    nachne wale

    hazar-ha rangin parinde

    sham o sahar ko phulne wali shafaq

    barkha-rut ki sat-rangi dhanak

    suraj chand sitare

    raaton ko jhilmilati kahkashan

    jin ke dekhe se

    bahal jaen dil

    sukh paen paran

    ab wo dil wo sukh un paranon ka

    nam-o-nishan kahan hai

    mein hun jis ka shaer

    wo insan kahan hai

    sari duniya jise manti rahi hai

    wo bhagwan kahan hai

    be-hisab sadiyon ki aankhen

    ek pal mein

    an-ginat bar jhapakti palken

    nazar na aane wali nazren

    chhati se bachchon ko lipTae hue mataen

    khanak-dar chuDiyon bhari kalaiyan

    jin par dudh pilati mataon ki

    jhuki hui sharmili aankhen

    aanchalon mein chhupe hue nanhe nanhe baalak

    chori chori mataon ka chehra taken

    jawaniyon ke nainon se prit ke chalte ban

    aaj us pyar bhare

    jawan jiyon ka arman kahan hai

    main hun jis ka shaer

    wo insan kahan hai

    wo insan kahan hai

    aaj wo apni dharti apne jiwan ki barbaadi ki

    tayyari mein

    weyast hai masruf hai gum hai

    bachchon ke komal badan ke TukDe

    hathiyaron ke widhan ki jhaDiyon jangalon mein

    la-waris lashen

    jin ko

    murdar-KHor peT bhare jaanwar

    khae bina hi guzar jaen

    phir khain kyunkar

    koi batae

    kitni ibaadat-gahen

    mandir

    masjid

    girja ghar aur gurudware

    kitni jaldi Dhae ja sakte hain

    ya in sab ko halakaton ke saz aur aslahon ka

    godam bana dena behtar hai

    be-gunahon ka lahu zamin mein jazb nahin ho sakta

    shayad kabhi nahin

    koi batae

    kab ye zamin dobara shola-zar banegi

    kya koi nahin hai

    koi nahin?

    jo apni zamin ko zindagi ki jannat bana sake

    ek insani taqat

    himmat ek azm ke sath

    des des mulkon mulkon

    main insan ko lalkaronga

    lekin main hun jis ka shaer

    wo insan kahan hai

    sari duniya jise manti rahi hai wo bhagwan kahan hai?

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY