aaj ki baaten kal ke sapne

Qateel Shifai

aaj ki baaten kal ke sapne

Qateel Shifai

MORE BYQateel Shifai

    jab bhī tanhā mujhe paate haiñ guzarte lamhe

    terī tasvīr rāhoñ meñ bichhā jaate haiñ

    maiñ ki rāhoñ meñ bhaTaktā chalā jaatā huuñ

    mujh ko ḳhud merī nigāhoñ se chhupā jaate haiñ

    mere bechain ḳhayāloñ pe ubharne vaalī

    apne ḳhvāboñ se na bahlā merī tanhā.ī ko

    jab tirī saañs mirī saañs meñ tahlīl nahīñ

    kyā kareñgī mirī bāñheñ terī añgḌā.ī ko

    jab ḳhayāloñ meñ tire jism ko chhū letā huuñ

    zindagī sho.ala-e-māzī se jhulas jaatī hai

    jab guzarnā huuñ ġham-e-hāl ke vīrāne se

    mere ehsās nāgin mujhe Das jaatī hai

    ham-safar tujh ko kahūñ tujhe rahzan samjhūñ

    raah meñ ke mujhe chhoḌ diyā hai ne

    ek vo din ki tirā pyaar basā thā dil meñ

    ek ye vaqt ki dil toḌ diyā hai ne

    maazī o haal tafrīq vo qurbat ye firāq

    pyaar gulshan se chalā aayā hai zindānoñ meñ

    be-zarī apnī sadāqat ko parakhtī rahī

    tal gayā husn zar-o-sīm mīzānoñ meñ

    ġhair se resham-o-kam-ḳhvāb rāhat kar

    mujhe yaad bhī aa.egī to kyā aa.egī

    ek mustaqbil-e-zarrīñ tijārat ke liye

    mohabbat ke taqaddus ko bhī Thukrā.egī

    aur maiñ pyaar taqdīs pe marne vaalā

    dard ban kar tire ehsās meñ bas jā.ūñgā

    vaqt aa.egā to iḳhlās bādal ban kar

    terī jhulsī huī rātoñ pe baras jā.ūñgā

    jab bhi tanha mujhe pate hain guzarte lamhe

    teri taswir si rahon mein bichha jate hain

    main ki rahon mein bhaTakta hi chala jata hun

    mujh ko KHud meri nigahon se chhupa jate hain

    mere bechain KHayalon pe ubharne wali

    apne KHwabon se na bahla meri tanhai ko

    jab teri sans meri sans mein tahlil nahin

    kya karengi meri banhen teri angDai ko

    jab KHayalon mein tere jism ko chhu leta hun

    zindagi shoala-e-mazi se jhulas jati hai

    jab guzarna hun gham-e-haal ke virane se

    mere ehsas ki nagin mujhe Das jati hai

    ham-safar tujh ko kahun ya tujhe rahzan samjhun

    rah mein la ke mujhe chhoD diya hai tu ne

    ek wo din ki tera pyar basa tha dil mein

    ek ye waqt ki dil toD diya hai tu ne

    mazi o haal ki tafriq wo qurbat ye firaq

    pyar gulshan se chala aaya hai zindanon mein

    be-zari apni sadaqat ko parakhti hi rahi

    tal gaya husn zar-o-sim ki mizanon mein

    ghair se resham-o-kam-KHwab ki rahat pa kar

    tu mujhe yaad bhi aaegi to kya aaegi

    ek mustaqbil-e-zarrin ki tijarat ke liye

    tu mohabbat ke taqaddus ko bhi Thukraegi

    aur main pyar ki taqdis pe marne wala

    dard ban kar tere ehsas mein bas jaunga

    waqt aaega to iKHlas ka baadal ban kar

    teri jhulsi hui raaton pe baras jaunga

    Source :
    • Book : kalam-e-qateel shifai (Pg. 70)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY