aaKHirash

kaT ga.e haath

bujh ga.iiñ āñkheñ

so gayā zehn

Dhal ga.e jazbe

dil dhḌaknā magar nahīñ bhūlā

phuul kī pattiyoñ pe shabnam ke

chand motī ubhar ke Duub ga.e

sūrajoñ ne bujhā bujhā Daale

jhilmilāte hue diye saare

aaj phir sogvār hai dhartī

dekh ke ḳhūñ-fishāñ ujāloñ ko

aaj phir shola-zā havāoñ se

jal rahā hai harā-bharā mausam

aaj phir dev-zā pahāḌoñ se

aa rahī haiñ gurasna āvāzeñ

kaT ga.e haath

bujh ga.iiñ āñkheñ

so gayā zehn

Dhal ga.e jazbe

dil bhī kam-kam dhaḌak rahā hai ab

kaT gae hath

bujh gain aankhen

so gaya zehn

Dhal gae jazbe

dil dhDakna magar nahin bhula

phul ki pattiyon pe shabnam ke

chand moti ubhar ke Dub gae

surajon ne bujha bujha Dale

jhilmilate hue diye sare

aaj phir sogwar hai dharti

dekh ke KHun-fishan ujalon ko

aaj phir shola-za hawaon se

jal raha hai hara-bhara mausam

aaj phir dew-za pahaDon se

aa rahi hain gurasna aawazen

kaT gae hath

bujh gain aankhen

so gaya zehn

Dhal gae jazbe

dil bhi kam-kam dhaDak raha hai ab