aaKHiri aadmi

Fakhr-e-Alam Nomani

aaKHiri aadmi

Fakhr-e-Alam Nomani

MORE BYFakhr-e-Alam Nomani

    INTERESTING FACT

    (Tahreeren, Lahore, Yearly: March-April 1973)

    bujhā do

    lahū ke samundar ke us paar

    ā.ina-ḳhānoñ meñ ab jhilmilāte hue qumqumoñ ko bujhā do

    ki dil jin se raushan thā ab un charāġhoñ lau bujh chukī hai

    miTā do

    munaqqash dar-o-bām ke jagmagāte

    chamakte hue sab butoñ ko miTā do

    ki ab lauh-e-dil se har ik naqsh harf-e-ġhalat tarah miT chukā hai

    uThā do

    lahū ke jazīre meñ

    biphrī huī maut ke zard panjoñ se parda uThā do

    ki ab is jazīre meñ

    lāshoñ ke ambār bikhre paḌe haiñ

    fazā meñ har ik samt

    jalte hue ḳhuun rachī hai

    vo āñkheñ jo apne badan tarah saaf shaffāf thiiñ

    ab un daraḳhtoñ pe baiThe hue chiil kavvoñ gidhoñ ġhizā bin chukī haiñ

    ye sola december bujhtī huī shaam hai

    aur maiñ

    is lahū ke jazīre meñ jaltā huā āḳhirī aadmī huuñ

    bujha do

    lahu ke samundar ke us par

    aaina-KHanon mein ab jhilmilate hue qumqumon ko bujha do

    ki dil jin se raushan tha ab un charaghon ki lau bujh chuki hai

    miTa do

    munaqqash dar-o-baam ke jagmagate

    chamakte hue sab buton ko miTa do

    ki ab lauh-e-dil se har ek naqsh harf-e-ghalat ki tarah miT chuka hai

    uTha do

    lahu ke jazire mein

    biphri hui maut ke zard panjon se parda uTha do

    ki ab is jazire mein

    lashon ke ambar bikhre paDe hain

    faza mein har ek samt

    jalte hue KHun ki bu rachi hai

    wo aankhen jo apne badan ki tarah saf shaffaf thin

    ab un daraKHton pe baiThe hue chil kawwon gidhon ki ghiza bin chuki hain

    ye sola december ki bujhti hui sham hai

    aur main

    is lahu ke jazire mein jalta hua aaKHiri aadmi hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY