aaKHiri bar milo

Mustafa Zaidi

aaKHiri bar milo

Mustafa Zaidi

MORE BY Mustafa Zaidi

    āḳhirī baar milo aise ki jalte hue dil

    raakh ho jaa.eñ koī aur taqāza na kareñ

    chāk-e-va.ada na sile zaḳhm-e-tamannā na khile

    saañs hamvār rahe sham.a lau tak na hile

    bāteñ bas itnī ki lamhe unheñ aa kar gin jaa.eñ

    aañkh uThā.e koī ummīd to āñkheñ chhin jaa.eñ

    is mulāqāt is baar koī vahm nahīñ

    jis se ik aur mulāqāt sūrat nikle

    ab na haijān o junūñ na hikāyāt vaqt

    ab na tajdīd-e-vafā na shikāyāt vaqt

    luT ga.ī shahr-e-havādis meñ matā-e-alfāz

    ab jo kahnā hai to kaise koī nauha kahiye

    aaj tak tum se rag-e-jāñ ke ka.ī rishte the

    kal se jo hogā use kaun rishta kahiye

    phir na dahkeñge kabhī āriz-o-ruḳhsār milo

    mātamī haiñ dam-e-ruḳhsat dar-o-dīvār milo

    phir na ham hoñge na iqrār na inkār milo

    āḳhirī baar milo

    aaKHiri bar milo aise ki jalte hue dil

    rakh ho jaen koi aur taqaza na karen

    chaak-e-wada na sile zaKHm-e-tamanna na khile

    sans hamwar rahe shama ki lau tak na hile

    baaten bas itni ki lamhe unhen aa kar gin jaen

    aankh uThae koi ummid to aankhen chhin jaen

    is mulaqat ka is bar koi wahm nahin

    jis se ek aur mulaqat ki surat nikle

    ab na haijaan o junun ka na hikayat ka waqt

    ab na tajdid-e-wafa ka na shikayat ka waqt

    luT gai shahr-e-hawadis mein mata-e-alfaz

    ab jo kahna hai to kaise koi nauha kahiye

    aaj tak tum se rag-e-jaan ke kai rishte the

    kal se jo hoga use kaun sa rishta kahiye

    phir na dahkenge kabhi aariz-o-ruKHsar milo

    matami hain dam-e-ruKHsat dar-o-diwar milo

    phir na hum honge na iqrar na inkar milo

    aaKHiri bar milo

    Source:

    • Book: kulliyat-e-mustafa zaidii(koh-e-nida) (Pg. 19)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites