aaKHiri mulaqaten

kitnī achchhī hotī haiñ

is se hone vaalī kuchh

āḳhirī mulāqāteñ

vaqt vo hī hotā hai

rañg vo hī hotā hai

aur baat karne kā Dhañg vo hī hotā hai

jaate haiñ vahīñ jis jā

pahlī baar dekhā ho

duur jaate rishte bhī ek pal ko lagtā hai jaise paas aate hoñ

dil dhaḌakne lagtā hai

sard jism meñ yak-dam ziist dauḌ jaatī hai

ek lamhe ko jaise duniyā Thahar jaatī hai

bas us ek lamhe meñ

jitnā arsa bhī us ke saath meñ bitāyā ho dil meñ aur āñkhoñ meñ ghuum ghuum jaatā hai

jab vo lamha chaltā hai tab ye yaad aatā hai

vaqt jā chukā achchhā ab haiñ to faqat yādeñ

kitnī achchhī hotī haiñ

us se hone vaalī kuchh

āḳhirī mulāqāteñ

kitni achchhi hoti hain

is se hone wali kuchh

aaKHiri mulaqaten

waqt wo hi hota hai

rang wo hi hota hai

aur baat karne ka Dhang wo hi hota hai

jate hain wahin jis ja

pahli bar dekha ho

dur jate rishte bhi ek pal ko lagta hai jaise pas aate hon

dil dhaDakne lagta hai

sard jism mein yak-dam zist dauD jati hai

ek lamhe ko jaise duniya Thahar jati hai

bas us ek lamhe mein

jitna arsa bhi us ke sath mein bitaya ho dil mein aur aankhon mein ghum ghum jata hai

jab wo lamha chalta hai tab ye yaad aata hai

waqt ja chuka achchha ab hain to faqat yaaden

kitni achchhi hoti hain

us se hone wali kuchh

aaKHiri mulaqaten