jazba-e-ushshaq kaam aane ko hai

jazba-e-ushshāq kaam aane ko hai

phir lazīz-o-shīrīñ jaam aane ko hai

mausam-e-sarmā kī aamad marhabā

kyūñki is mausam meñ aam aane ko hai

ḳhatm hone ko hai vaqt-e-intizār

intiḳhāb-e-ḳhās-o-ām aane ko hai

dhīre dhīre chaltā lañgḌātā huā

ḳhush-āda-o-ḳhush-ḳhirām aane ko hai

muqtadī tayyār hoñ saf bāñdh kar

sab phaloñ kā ab imaam aane ko hai

qurbatoñ kā hogā ab āġhāz phir

furqatoñ kā iḳhtitām aane ko hai

aate hī jaane kī tayyārī kare

vo savār-e-tez-gām aane ko hai

vajd meñ yuuñ gungunātā hai 'asar'

aam aane ko hai aam aane ko hai

jazba-e-ushshaq kaam aane ko hai

phir laziz-o-shirin jam aane ko hai

mausam-e-sarma ki aamad marhaba

kyunki is mausam mein aam aane ko hai

KHatm hone ko hai waqt-e-intizar

intiKHab-e-KHas-o-am aane ko hai

dhire dhire chalta langData hua

KHush-ada-o-KHush-KHiram aane ko hai

muqtadi tayyar hon saf bandh kar

sab phalon ka ab imam aane ko hai

qurbaton ka hoga ab aaghaz phir

furqaton ka iKHtitam aane ko hai

aate hi jaane ki tayyari kare

wo sawar-e-tez-gam aane ko hai

wajd mein yun gungunata hai 'asar'

aam aane ko hai aam aane ko hai