aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aamad

Wazir Agha

aamad

Wazir Agha

MORE BYWazir Agha

    kabhī ḳhushk mausam meñ purvā jo chaltī

    to banjar pahāḌoñ ghane gard-ālūd shahroñ se katrā ke

    ham tak pahuñchtī

    hameñ tund yādoñ ke girdāb maiñ

    Dūbte aur ubharte hue dekh kar ham se kahtī

    maiñ un sab ke jismoñ se mas ho ke aa.ī huuñ

    un ke pasīne ḳhushbū ko

    apne libāde meñ bhar kar

    hathelī pe rakh kar maiñ laa.ī huuñ

    kabhī surḳh sūraj nikaltā

    to ham us se kahte

    tumhārī dahaktī huī aañkh raaz kyā hai

    vo kahtā

    maiñ in sab āñkhoñ ke ġhurfoñ se

    ye saarī ujlī tamāzat churātā rahā huuñ

    maiñ daryūza-gar un charāġhoñ se ḳhud ko jalātā rahā huuñ

    unheñ ham ne DhūñDā

    kabhī sabz shabnam ke chhīñToñ meñ tāroñ rotī huī anjuman maiñ

    kabhī sub.h qatl-gāh shab ke ghāyal badan meñ

    unheñ ham ne āvāz kū-ba-kū

    ġham meñ Duubī huī bastiyoñ se aTe ḳhāk-dān-e-vatan meñ

    magar vo nahīñ the kahīñ bhī nahīñ the

    kahīñ un ke qadmoñ halkī āvāz tak bhī nahīñ thī

    phir ik roz dhartī mausam jo badlā

    to bādal ne shānoñ se ham ko hilā kar jagāyā

    kahā un ke aane paiġhām aayā

    chahakte parindoñ ne shāḳhoñ se uḌ kar

    havāoñ meñ ik dā.era banāyā

    kahā un ke aane paiġhām aayā

    dhanak saat rañgoñ meñ lipTī huī

    ik kamāñ ban ke zāhir huī

    ham se kahne lagī apnī āñkhoñ se dekhā hai maiñ ne unheñ

    tez qadmoñ se aate hue

    shaam hañsne lagī

    us āñkhoñ meñ ḳhushiyoñ ke aañsū the

    aariz pe shabnam

    nagīnoñ sūrat chamakne lagī thī

    kabhi KHushk mausam mein purwa jo chalti

    to banjar pahaDon ghane gard-alud shahron se katra ke

    hum tak pahunchti

    hamein tund yaadon ke girdab main

    Dubte aur ubharte hue dekh kar hum se kahti

    main un sab ke jismon se mas ho ke aai hun

    un ke pasine ki KHushbu ko

    apne libaade mein bhar kar

    hatheli pe rakh kar main lai hun

    kabhi surKH suraj nikalta

    to hum us se kahte

    tumhaari dahakti hui aankh ka raaz kya hai

    wo kahta

    main in sab ki aankhon ke ghurfon se

    ye sari ujli tamazat churaata raha hun

    main daryuza-gar un charaghon se KHud ko jalata raha hun

    unhen hum ne DhunDa

    kabhi sabz shabnam ke chhinTon mein taron ki roti hui anjuman main

    kabhi subh ki qatl-gah shab ke ghayal badan mein

    unhen hum ne aawaz di ku-ba-ku

    gham mein Dubi hui bastiyon se aTe KHak-dan-e-watan mein

    magar wo nahin the kahin bhi nahin the

    kahin un ke qadmon ki halki si aawaz tak bhi nahin thi

    phir ek roz dharti ka mausam jo badla

    to baadal ne shanon se hum ko hila kar jagaya

    kaha un ke aane ka paigham aaya

    chahakte parindon ne shaKHon se uD kar

    hawaon mein ek daera sa banaya

    kaha un ke aane ka paigham aaya

    dhanak sat rangon mein lipTi hui

    ek kaman ban ke zahir hui

    hum se kahne lagi apni aankhon se dekha hai main ne unhen

    tez qadmon se aate hue

    sham hansne lagi

    us ki aankhon mein KHushiyon ke aansu the

    aariz pe shabnam

    naginon ki surat chamakne lagi thi

    Source:

    Nirdbaan (Pg. 84)

    • Author: Wazir Agha
      • Edition: 1979
      • Publisher: Nusrat Anwar
      • Year of Publication: 1979
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now