aandhi

guzre haiñ biis baras ik din

ik zor kī āñdhī aa.ī thī

jis se peḌoñ se judā ho kar

lākhoñ hī patte TuuT gire

shāh-rāhoñ par pagDanDiyoñ par

khetoñ meñ aur fuTpāthoñ par

kuchh bah ga.e gande nāloñ meñ

bhañgī kī jhāḌū ke sadqe

lekin jo bach ga.e un ko havā

har-vaqt uḌaa.e phirtī hai

pachchhim ko kabhī pūrab ko kabhī

vo bikhre paḌe haiñ ab har-sū

aur har-dam piste rahte haiñ

bhārī-bharkam būToñ ke tale

guzre hain bis baras ek din

ek zor ki aandhi aai thi

jis se peDon se juda ho kar

lakhon hi patte TuT gire

shah-rahon par pagDanDiyon par

kheton mein aur fuTpathon par

kuchh bah gae gande nalon mein

bhangi ki jhaDu ke sadqe

lekin jo bach gae un ko hawa

har-waqt uDae phirti hai

pachchhim ko kabhi purab ko kabhi

wo bikhre paDe hain ab har-su

aur har-dam piste rahte hain

bhaari-bharkam buTon ke tale