aankhon se ojhal duniya ke ek nazm

hameñ kyā pata hai

ye mumkin hai phuul aur patthar

havā raushnī

ret paanī

ye dariyā pahāḌ aur sahrā kā aapas meñ rishta ho

patthar ke siine meñ bhī dil dhaḌaktā ho

paanī bhī zinda ho

ā.īna dar-asl insān ho

chāñd tāroñ meñ sadiyoñ kī ik dushmanī ho

hameñ kyā pata hai

ye mumkin hai

aapas meñ vo bāteñ karte hoñ

rote hoñ

hañste hoñ

ulfat mohabbat ho

ranjish hoñ jhagḌe

koī in meñ shīrīñ

koī in meñ lailā ho

in meñ bhī qisse kahāvat

mohabbat shujā.at kī rasmeñ hoñ

vo bhī judā.ī ke sadme

hamārī tarah jhelte hoñ

hamārī tarah vo bhī jiite hoñ

marte hoñ

mumkin hai

sannāTā dar-asl āvāz ho

maut hī zindagī ho

aur insāñ ḳhudā se baḌā ho

hameñ kyā pata hai

ye mumkin hai

hamein kya pata hai

ye mumkin hai phul aur patthar

hawa raushni

ret pani

ye dariya pahaD aur sahra ka aapas mein rishta ho

patthar ke sine mein bhi dil dhaDakta ho

pani bhi zinda ho

aaina dar-asl insan ho

chand taron mein sadiyon ki ek dushmani ho

hamein kya pata hai

ye mumkin hai

aapas mein wo baaten karte hon

rote hon

hanste hon

ulfat mohabbat ho

ranjish hon jhagDe

koi in mein shirin

koi in mein laila ho

in mein bhi qisse kahawat

mohabbat shujaat ki rasmen hon

wo bhi judai ke sadme

hamari tarah jhelte hon

hamari tarah wo bhi jite hon

marte hon

mumkin hai

sannaTa dar-asl aawaz ho

maut hi zindagi ho

aur insan KHuda se baDa ho

hamein kya pata hai

ye mumkin hai