aansu

Javed Akhtar

aansu

Javed Akhtar

MORE BYJaved Akhtar

    kisī ġham sun ke

    merī palkoñ pe

    ek aañsū jo aa gayā hai

    ye aañsū kyā hai

    ye aañsū kyā ik gavāh hai

    merī dard-mandī merī insān-dostī

    ye aañsū kyā ik subūt hai

    merī zindagī meñ ḳhulūs ek raushnī

    ye aañsū kyā ye batā rahā hai

    ki mere siine meñ ek hassās dil hai

    jis ne kisī dil-doz dāstāñ jo sunī

    to sun ke taḌap uThā hai

    parā.e sho.aloñ meñ jal rahā hai

    pighal rahā hai

    magar meñ phir ḳhud se pūchhtā huuñ

    ye dāstāñ to abhī sunī hai

    ye aañsū bhī kyā abhī Dhalā hai

    ye aañsū

    kyā maiñ ye samjhūñ

    pahle kahīñ nahīñ thā

    mujhe to shak hai ki ye kahīñ thā

    ye mere dil aur merī palkoñ ke darmiyāñ

    ik jo fāsla hai

    jahāñ ḳhayāloñ ke shahr zinda haiñ

    aur ḳhvāboñ turbateñ haiñ

    jahāñ mohabbat ke ujḌe bāġhoñ meñ

    talḳhiyoñ ke babūl haiñ

    aur kuchh nahīñ hai

    jahāñ se aage haiñ

    uljhanoñ ke ghanere jañgal

    ye aañsū

    shāyad bahut dinoñ se

    vahīñ chhupā thā

    jinhoñ ne is ko janam diyā thā

    vo rañj to maslahat ke hāthoñ

    na jaane kab qatl ho ga.e the

    to kartā phir kis pe naaz aañsū

    ki ho gayā be-javāz aañsū

    yatīm aañsū yasīr aañsū

    na mo'tabar thā

    na rāstoñ se bā-ḳhabar thā

    to chalte chalte

    vo tham gayā thā

    ThiThak gayā thā

    jhijhak gayā thā

    idhar se aaj ik kisī ke ġham

    kahānī kārvāñ jo guzrā

    yatīm aañsū ne jaise jaanā

    ki is kahānī sarparastī mile

    to mumkin hai

    raah paanā

    to ik kahānī uñglī thāme

    usī ke ġham ko rūmāl kartā

    isī ke baare meñ

    jhūTe sachche savāl kartā

    ye merī palkoñ tak aa gayā hai

    kisi ka gham sun ke

    meri palkon pe

    ek aansu jo aa gaya hai

    ye aansu kya hai

    ye aansu kya ek gawah hai

    meri dard-mandi ka meri insan-dosti ka

    ye aansu kya ek subut hai

    meri zindagi mein KHulus ki ek raushni ka

    ye aansu kya ye bata raha hai

    ki mere sine mein ek hassas dil hai

    jis ne kisi ki dil-doz dastan jo suni

    to sun ke taDap uTha hai

    parae shoalon mein jal raha hai

    pighal raha hai

    magar mein phir KHud se puchhta hun

    ye dastan to abhi suni hai

    ye aansu bhi kya abhi Dhala hai

    ye aansu

    kya main ye samjhun

    pahle kahin nahin tha

    mujhe to shak hai ki ye kahin tha

    ye mere dil aur meri palkon ke darmiyan

    ek jo fasla hai

    jahan KHayalon ke shahr zinda hain

    aur KHwabon ki turbaten hain

    jahan mohabbat ke ujDe baghon mein

    talKHiyon ke babul hain

    aur kuchh nahin hai

    jahan se aage hain

    uljhanon ke ghanere jangal

    ye aansu

    shayad bahut dinon se

    wahin chhupa tha

    jinhon ne is ko janam diya tha

    wo ranj to maslahat ke hathon

    na jaane kab qatl ho gae the

    to karta phir kis pe naz aansu

    ki ho gaya be-jawaz aansu

    yatim aansu yasir aansu

    na mo'tabar tha

    na raston se hi ba-KHabar tha

    to chalte chalte

    wo tham gaya tha

    ThiThak gaya tha

    jhijhak gaya tha

    idhar se aaj ek kisi ke gham ki

    kahani ka karwan jo guzra

    yatim aansu ne jaise jaana

    ki is kahani ki sarparasti mile

    to mumkin hai

    rah pana

    to ek kahani ki ungli thame

    usi ke gham ko rumal karta

    isi ke bare mein

    jhuTe sachche sawal karta

    ye meri palkon tak aa gaya hai

    Videos
    This video is playing from YouTube

    Videos
    This video is playing from YouTube

    Javed Akhtar

    Javed Akhtar

    Source:

    • Book : LAVA (Pg. 25)
    • Author : Javed Akhtar
    • Publication : Rajkamal Parakashan Pvt. Ltd (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY