aansu

Nushur Wahidi

aansu

Nushur Wahidi

MORE BY Nushur Wahidi

    jab se ki mohabbat huī pyāre haiñ ye aañsū

    jaise ki merī aañkh ke taare haiñ ye aañsū

    kahte ho ki lillāh ab aañsū na girāo

    aise meñ ki jiine ke sahāre haiñ ye aañsū

    haañ haañ unheñ dāmān-e-mohabbat meñ jagah do

    āñkheñ haiñ mirī aur tumhāre haiñ ye aañsū

    har ḳhūn-e-jigar ke liye tayyār huuñ ab bhī

    haarā huuñ na maiñ aur na haare haiñ ye aañsū

    sīmāb haiñ jab tak ki haiñ ye qalb-o-jigar meñ

    āñkhoñ meñ jab aa.e to sitāre haiñ ye aañsū

    bechain umañgoñ ne na samjhā na dekhā

    betāb javānī ke nazāre haiñ ye aañsū

    ġham vo hai jo har chiiz ko pighlā ke bahā de

    paanī nahīñ sayyāl sharāre haiñ ye aañsū

    ma.asūm nigāhoñ ko nibhāte haiñ ye aksar

    poshīda mohabbat ke ishāre haiñ ye aañsū

    ġham-ḳhvār haiñ mere liye shab-hā-e-alam meñ

    āḳhir to ġham-e-dost ke maare haiñ ye aañsū

    jab se ki mohabbat hui pyare hain ye aansu

    jaise ki meri aankh ke tare hain ye aansu

    kahte ho ki lillah ab aansu na girao

    aise mein ki jine ke sahaare hain ye aansu

    han han unhen daman-e-mohabbat mein jagah do

    aankhen hain meri aur tumhaare hain ye aansu

    har KHun-e-jigar ke liye tayyar hun ab bhi

    haara hun na main aur na haare hain ye aansu

    simab hain jab tak ki hain ye qalb-o-jigar mein

    aankhon mein jab aae to sitare hain ye aansu

    bechain umangon ne na samjha hi na dekha

    betab jawani ke nazare hain ye aansu

    gham wo hai jo har chiz ko pighla ke baha de

    pani nahin sayyal sharare hain ye aansu

    masum nigahon ko nibhate hain ye aksar

    poshida mohabbat ke ishaare hain ye aansu

    gham-KHwar hain mere liye shab-ha-e-alam mein

    aaKHir to gham-e-dost ke mare hain ye aansu

    Source:

    • Book: Nushoor Wahedi Veyaktitiva Chhaya Aur Shayri (Urdu Poetry) (Pg. 131)
    • Author: Niaz wahedi
    • Publication: Niaz wahedi (2003)
    • Edition: 2003
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY