aap kaun
hamāre aap haiñ mehmān ham nahīñ samjhe
kabhī kī jaan na pahchān ham nahīñ samjhe
kahāñ hai aap kā sāmān ham nahīñ samjhe
na sergeant na kaptān ham nahīñ samjhe
muaaf kījiye shrīmān ham nahīñ samjhe
masīh ke na kisī chārāgar ke ruup meñ haiñ
na rahnumā na kisī rāhbar ke ruup meñ haiñ
to kyā janāb kisī actor ke ruup meñ haiñ
batā.iye koī pahchān ham nahīñ samjhe
muaaf kījiye shrīmān ham nahīñ samjhe
takallufāt ke parde zarā haTā.iye to
fasāna-e-ġham-e-pinhāñ hameñ sunā.iye to
ye kaisī āmad-e-be-vaqt hai batā.iye to
na aur kījiye hairān ham nahīñ samjhe
muaaf kījiye shrīmān ham nahīñ samjhe
base nahīñ the yūñhī to dil-e-ḳharāb meñ aap
ki har lihāz se the parda-e-hijāb meñ aap
haiñ aaj kashmakash-e-daur-e-inqalāb meñ aap
hoñ vote aap pe qurbān ham nahīñ samjhe
muaaf kījiye shrīmān ham nahīñ samjhe
basant-rūp kahīñ ho kahīñ basantā tum
kabhī milāp ke haamī kabhī laḌantā tum
kise ḳhabar hai ki netā ho tum ki jantā tum
tumheñ samajhtā hai bhagvān ham nahīñ samjhe
muaaf kījiye shrīmān ham nahīñ samjhe
hamare aap hain mehman hum nahin samjhe
kabhi ki jaan na pahchan hum nahin samjhe
kahan hai aap ka saman hum nahin samjhe
na sergeant na kaptan hum nahin samjhe
muaf kijiye shriman hum nahin samjhe
masih ke na kisi chaaragar ke rup mein hain
na rahnuma na kisi rahbar ke rup mein hain
to kya janab kisi actor ke rup mein hain
bataiye koi pahchan hum nahin samjhe
muaf kijiye shriman hum nahin samjhe
takallufat ke parde zara haTaiye to
fasana-e-gham-e-pinhan hamein sunaiye to
ye kaisi aamad-e-be-waqt hai bataiye to
na aur kijiye hairan hum nahin samjhe
muaf kijiye shriman hum nahin samjhe
base nahin the yunhi to dil-e-KHarab mein aap
ki har lihaz se the parda-e-hijab mein aap
hain aaj kashmakash-e-daur-e-inqalab mein aap
hon wote aap pe qurban hum nahin samjhe
muaf kijiye shriman hum nahin samjhe
basant-rup kahin ho kahin basanta tum
kabhi milap ke hami kabhi laDanta tum
kise KHabar hai ki neta ho tum ki janta tum
tumhein samajhta hai bhagwan hum nahin samjhe
muaf kijiye shriman hum nahin samjhe
Source:
Kah Doon...? (Pg. 113)
- Author: Hilal Rizvi
-
- Publisher: Hamara Daur Publications, Delhi
- Year of Publication: 1985
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
