aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aarzu ke musafir

Javed Akhtar

aarzu ke musafir

Javed Akhtar

MORE BYJaved Akhtar

    jaane kis talāsh un āñkhoñ meñ thī

    aarzū ke musāfir

    bhaTakte rahe

    jitnā bhī vo chale

    itne bichh ga.e

    raah meñ fāsle

    ḳhvāb manzil the

    aur manzileñ ḳhvāb thiiñ

    rāstoñ se nikalte rahe rāste

    jaane kis vāste

    aarzū ke musāfir bhaTakte rahe

    jin pe sab chalte haiñ

    aise sab rāste chhoḌ ke

    ek anjān pagDanDī uñglī thāme hue

    ik sitāre se

    ummīd bāñdhe hue samt

    har gumāñ ko yaqīñ maan ke

    apne dil se

    koī dhokā khāte hue jaan ke

    sahrā sahrā

    samundar ko vo DhūñDte

    kuchh sarāboñ jānib

    rahe gāmzan

    yuuñ nahīñ thā

    ki un ko ḳhabar na thī

    ye samundar nahīñ

    lekin un ko kahīñ

    shāyad ehsās thā

    ye fareb

    un ko mahv-e-safar rakkhegā

    ye sabab thā

    ki thā aur koī sabab

    jo liye un ko phirtā rahā

    manziloñ manziloñ

    rāste rāste

    jaane kis vāste

    aarzū ke musāfir bhaTakte rahe

    aksar aisā huā

    shahr-dar-shahr

    aur bastī bastī

    kisī bhī darīche meñ

    koī charāġh-e-mohabbat na thā

    be-ruḳhī se bharī

    saarī galiyoñ meñ

    saare makānoñ ke

    darvāze yuuñ band the

    jaise ik sard

    ḳhāmosh lahje meñ

    vo kah rahe hoñ

    muravvat aur mehrbānī maskan

    kahīñ aur hogā

    yahāñ to nahīñ hai

    yahī ek manzar sameTe the

    shahroñ ke pathrīle sab rāste

    jaane kis vāste

    aarzū ke musāfir bhaTakte rahe

    aur kabhī yuuñ huā

    aarzū ke musāfir the

    jaltī sulagtī huī dhuup meñ

    kuchh daraḳhtoñ ne saa.e bichhā.e magar

    un ko aisā lagā

    saa.e meñ jo sukūn

    aur ārām hai

    manziloñ tak pahuñchne na degā unheñ

    aur yuuñ bhī huā

    mahkī kaliyoñ ne ḳhushbū ke paiġhām bheje unheñ

    un ko aisā lagā

    chand kaliyoñ pe kaise qanā.at kareñ

    un ko to DhūñDhnā hai

    vo gulshan ki jis ko

    kisī ne abhī tak hai dekhā nahīñ

    jaane kyuuñ thā unheñ is puurā yaqīñ

    der ho saver un ko lekin kahīñ

    aise gulshan ke mil jā.eñge rāste

    jaane kis vāste

    aarzū ke musāfir bhaTakte rahe

    dhuup Dhalne lagī

    bas zarā der meñ raat ho jā.egī

    aarzū ke musāfir jo haiñ

    un ke qadmoñ tale

    jo bhī ik raah hai

    vo bhī shāyad añdhere meñ kho jā.egī

    aarzū ke musāfir bhī

    apne thake-hāre be-jān pairoñ pe

    kuchh der tak laḌkhaḌā.eñge

    aur gir ke so jā.eñge

    sirf sannāTā sochegā ye raat bhar

    manzileñ to unheñ jaane kitnī milīñ

    ye magar

    manziloñ ko samajhte rahe jaane kyuuñ rāste

    jaane kis vāste

    aarzū ke musāfir bhaTakte rahe

    aur phir ik savere ujlī kiran

    tīrgī chiir ke

    jagmagā degī

    jab an-ginat rahguzāroñ pe bikhre hue

    un ke naqsh-e-qadam

    āfiyat-gāhoñ meñ rahne vaale

    ye hairat se majbūr ho ke kaheñge

    ye naqsh-e-qadam sirf naqsh-e-qadam nahīñ

    ye to daryāft haiñ

    ye to ījād haiñ

    ye to afkār haiñ

    ye to ash.ār haiñ

    ye koī raqs haiñ

    ye koī raag haiñ

    in se to haiñ ārāsta

    saarī tahzīb o tārīḳh ke

    vaqt ke

    zindagī ke sabhī rāste

    vo musāfir magar

    jānte-būjhte bhī rahe be-ḳhabar

    jis ko chhū leñ qadam

    vo to bas raah thī

    un manzil digar thī

    alag chaah thī

    jo nahīñ mil sake us thī aarzū

    jo nahīñ hai kahīñ us thī justujū

    shāyad is vāste

    aarzū ke musāfir bhaTakte rahe

    jaane kis ki talash un ki aankhon mein thi

    aarzu ke musafir

    bhaTakte rahe

    jitna bhi wo chale

    itne hi bichh gae

    rah mein fasle

    KHwab manzil the

    aur manzilen KHwab thin

    raston se nikalte rahe raste

    jaane kis waste

    aarzu ke musafir bhaTakte rahe

    jin pe sab chalte hain

    aise sab raste chhoD ke

    ek anjaan pagDanDi ki ungli thame hue

    ek sitare se

    ummid bandhe hue samt ki

    har guman ko yaqin man ke

    apne dil se

    koi dhoka khate hue jaan ke

    sahra sahra

    samundar ko wo DhunDte

    kuchh sarabon ki jaanib

    rahe gamzan

    yun nahin tha

    ki un ko KHabar hi na thi

    ye samundar nahin

    lekin un ko kahin

    shayad ehsas tha

    ye fareb

    un ko mahw-e-safar rakkhega

    ye sabab tha

    ki tha aur koi sabab

    jo liye un ko phirta raha

    manzilon manzilon

    raste raste

    jaane kis waste

    aarzu ke musafir bhaTakte rahe

    aksar aisa hua

    shahr-dar-shahr

    aur basti basti

    kisi bhi dariche mein

    koi charagh-e-mohabbat na tha

    be-ruKHi se bhari

    sari galiyon mein

    sare makanon ke

    darwaze yun band the

    jaise ek sard

    KHamosh lahje mein

    wo kah rahe hon

    murawwat ka aur mehrbani ka maskan

    kahin aur hoga

    yahan to nahin hai

    yahi ek manzar sameTe the

    shahron ke pathrile sab raste

    jaane kis waste

    aarzu ke musafir bhaTakte rahe

    aur kabhi yun hua

    aarzu ke musafir the

    jalti sulagti hui dhup mein

    kuchh daraKHton ne sae bichhae magar

    un ko aisa laga

    sae mein jo sukun

    aur aaram hai

    manzilon tak pahunchne na dega unhen

    aur yun bhi hua

    mahki kaliyon ne KHushbu ke paigham bheje unhen

    un ko aisa laga

    chand kaliyon pe kaise qanaat karen

    un ko to DhunDhna hai

    wo gulshan ki jis ko

    kisi ne abhi tak hai dekha nahin

    jaane kyun tha unhen is ka pura yaqin

    der ho ya sawer un ko lekin kahin

    aise gulshan ke mil jaenge raste

    jaane kis waste

    aarzu ke musafir bhaTakte rahe

    dhup Dhalne lagi

    bas zara der mein raat ho jaegi

    aarzu ke musafir jo hain

    un ke qadmon tale

    jo bhi ek rah hai

    wo bhi shayad andhere mein kho jaegi

    aarzu ke musafir bhi

    apne thake-haare be-jaan pairon pe

    kuchh der tak laDkhaDaenge

    aur gir ke so jaenge

    sirf sannaTa sochega ye raat bhar

    manzilen to unhen jaane kitni milin

    ye magar

    manzilon ko samajhte rahe jaane kyun raste

    jaane kis waste

    aarzu ke musafir bhaTakte rahe

    aur phir ek sawere ki ujli kiran

    tirgi chir ke

    jagmaga degi

    jab an-ginat rahguzaron pe bikhre hue

    un ke naqsh-e-qadam

    aafiyat-gahon mein rahne wale

    ye hairat se majbur ho ke kahenge

    ye naqsh-e-qadam sirf naqsh-e-qadam hi nahin

    ye to daryaft hain

    ye to ijad hain

    ye to afkar hain

    ye to ashaar hain

    ye koi raqs hain

    ye koi rag hain

    in se hi to hain aarasta

    sari tahzib o tariKH ke

    waqt ke

    zindagi ke sabhi raste

    wo musafir magar

    jaante-bujhte bhi rahe be-KHabar

    jis ko chhu len qadam

    wo to bas rah thi

    un ki manzil digar thi

    alag chah thi

    jo nahin mil sake us ki thi aarzu

    jo nahin hai kahin us ki thi justuju

    shayad is waste

    aarzu ke musafir bhaTakte rahe

    Source:

    LAVA (Pg. 77)

    • Author: Javed Akhtar
      • Edition: 2012
      • Publisher: Rajkamal Parakashan Pvt. Ltd
      • Year of Publication: 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now