Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aarzu

MORE BYNakhshab Jaarchawi

    mohabbat ba-nau-e-digar chāhtā huuñ

    tujhī ko tirā nāma-bar chāhtā huuñ

    duā be-niyāz-e-asar chāhtā huuñ

    ġham-e-dil ġham-e-mo'tabar chāhtā huuñ

    tamanna-e-jalva ḳhilāf-e-ḳhirad hai

    magar maiñ ba-zo'm-e-nazar chāhtā huuñ

    ye maanā rag-e-jāñ se nazdīk ho tum

    maiñ is se bhī nazdīk-tar chāhtā huuñ

    vafā aur tum ik fareb-e-vafā hai

    samajhtā huuñ maiñ bhī magar chāhtā huuñ

    jahāñ sirf tere naqsh-e-qadam hoñ

    mohabbat vo rahguzar chāhtā huuñ

    vafā.eñ tumhārī hoñ hoñ jafā.eñ

    koī shai bhī ho mo'atabar chāhtā huuñ

    mohabbat bahar-gām dushvār-tar hai

    vo khiñchte haiñ maiñ jis qadar chāhtā huuñ

    unheñ bhī nahīñ chāhtā muztarib maiñ

    aur aahoñ ko bhī bā-asar chāhtā huuñ

    mire dil nādāniyāñ koī dekhe

    unheñ bhī ba-qadr-e-nazar chāhtā huuñ

    vo āġhāz-e-ulfat vo pur-kaif lamhe

    vahī fasl-e-dīvāna-gar chāhtā huuñ

    tumhārī ḳhabar kyā bhalā mujh ko hogī

    maiñ apnī tum se ḳhabar chāhtā huuñ

    dil-e-bad-gumāñ har tarah mutma.in hai

    magar e'tibār-e-nazar chāhtā huuñ

    jahāñ mā-sivā naqsh-e-bātil hai 'naḳhshab'

    usī rahguzar se guzar chāhtā huuñ

    mohabbat ba-nau-e-digar chahta hun

    tujhi ko tera nama-bar chahta hun

    dua be-niyaz-e-asar chahta hun

    gham-e-dil gham-e-mo'tabar chahta hun

    tamanna-e-jalwa KHilaf-e-KHirad hai

    magar main ba-zo'm-e-nazar chahta hun

    ye mana rag-e-jaan se nazdik ho tum

    main is se bhi nazdik-tar chahta hun

    wafa aur tum ek fareb-e-wafa hai

    samajhta hun main bhi magar chahta hun

    jahan sirf tere hi naqsh-e-qadam hon

    mohabbat ki wo rahguzar chahta hun

    wafaen tumhaari hon ya hon jafaen

    koi shai bhi ho mo'atabar chahta hun

    mohabbat bahar-gam dushwar-tar hai

    wo khinchte hain main jis qadar chahta hun

    unhen bhi nahin chahta muztarib main

    aur aahon ko bhi ba-asar chahta hun

    mere dil ki nadaniyan koi dekhe

    unhen bhi ba-qadr-e-nazar chahta hun

    wo aaghaz-e-ulfat wo pur-kaif lamhe

    wahi fasl-e-diwana-gar chahta hun

    tumhaari KHabar kya bhala mujh ko hogi

    main apni hi tum se KHabar chahta hun

    dil-e-bad-guman har tarah mutmain hai

    magar e'tibar-e-nazar chahta hun

    jahan ma-siwa naqsh-e-baatil hai 'naKHshab'

    usi rahguzar se guzar chahta hun

    Source :
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now