aasifuddaula ka imambaada lucknow

āsafuddaula-e-marhūm kī ta.amīr-e-kuhan

jis kī san.at kā nahīñ safha-e-hastī pe javāb

dekh sayyāh use raat ke sannāTe meñ

muñh se apne mah-e-kāmil ne jab ulTī ho naqāb

dar-o-dīvār nazar aate haiñ kyā sāf-o-subuk

sahar kartī hai nigāhoñ pe ziyā-e-mahtāb

yahī hotā hai gumāñ ḳhaak se mas is ko nahīñ

hai sambhāle hue dāman meñ havā-e-shādāb

yak-ba-yak dīda-e-hairāñ ko ye shak hotā hai

Dhal ke sāñche meñ zamīñ par utar aayā hai sahāb

be-ḳhudī kahtī hai aayā ye fazā meñ kyuuñ kar

kisī ustād musavvir kā hai ye jalva-e-ḳhvāb

ik ajab manzar-e-dil-gīr nazar aatā hai

duur se ālam-e-tasvīr nazar aatā hai

aasafuddaula-e-marhum ki tamir-e-kuhan

jis ki sanat ka nahin safha-e-hasti pe jawab

dekh sayyah use raat ke sannaTe mein

munh se apne mah-e-kaamil ne jab ulTi ho naqab

dar-o-diwar nazar aate hain kya saf-o-subuk

sahar karti hai nigahon pe ziya-e-mahtab

yahi hota hai guman KHak se mas is ko nahin

hai sambhaale hue daman mein hawa-e-shadab

yak-ba-yak dida-e-hairan ko ye shak hota hai

Dhal ke sanche mein zamin par utar aaya hai sahab

be-KHudi kahti hai aaya ye faza mein kyun kar

kisi ustad musawwir ka hai ye jalwa-e-KHwab

ek ajab manzar-e-dil-gir nazar aata hai

dur se aalam-e-taswir nazar aata hai