aasmani loriyan

Makhdoom Mohiuddin

aasmani loriyan

Makhdoom Mohiuddin

MORE BYMakhdoom Mohiuddin

    roz-e-raushan chukā, haiñ shaam tayyāriyāñ

    uḌ rahī haiñ āsmāñ par za.afrānī sāḌiyāñ

    shaam ruḳhsat ho rahī hai raat muñh chuum kar

    ho rahī haiñ charḳh par tāroñ meñ kuchh sargoshiyāñ

    jalve haiñ betāb parde se nikalne ke liye

    ban sañvar kar aa rahī haiñ āsmāñ rāniyāñ

    nau urūs-e-shab ne pahnā hai libās-e-fāḳhira

    āsmānī pairahan meñ kahkashānī dhāriyāñ

    kārchobī shāmiyāne meñ rachī bazm-e-nashāt

    saaz ne añgḌā.ī bajne lagī haiñ tāliyāñ

    lā-javrdī farsh par hai mushtarī zohra raqs

    nail-tan krishn ke pahlū meñ machaltī gopiyāñ

    dast-o-pā narm va ḳhush-āhañg halkī juñbisheñ

    fazā meñ nāchtī haiñ gungunātī bijliyāñ

    sarmadī naġhmāt se saarī fazā ma.amūr hai

    nutq-e-rab-e-zul-minan haiñ raat ḳhāmoshiyāñ

    niiñd ā.ankhoñ meñ aatī hai jhukā jaatā hai sar

    sun rahā thā der se maiñ āsmānī loriyāñ

    roz-e-raushan ja chuka, hain sham ki tayyariyan

    uD rahi hain aasman par zafrani saDiyan

    sham ruKHsat ho rahi hai raat ka munh chum kar

    ho rahi hain charKH par taron mein kuchh sargoshiyan

    jalwe hain betab parde se nikalne ke liye

    ban sanwar kar aa rahi hain aasman ki raniyan

    nau urus-e-shab ne pahna hai libas-e-faKHira

    aasmani pairahan mein kahkashani dhaariyan

    karchobi shamiyane mein rachi bazm-e-nashat

    saz ne angDai li bajne lagi hain taliyan

    la-jawrdi farsh par hai mushtari zohra ka raqs

    nail-tan krishn ke pahlu mein machalti gopiyan

    dast-o-pa ki narm wa KHush-ahang halki junbishen

    ya faza mein nachti hain gungunati bijliyan

    sarmadi naghmat se sari faza mamur hai

    nutq-e-rab-e-zul-minan hain raat ki KHamoshiyan

    nind si aaankhon mein aati hai jhuka jata hai sar

    sun raha tha der se main aasmani loriyan

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY