aazadi ki subh

zarā dekho to maañ peḌoñ pe chiḌiyāñ

ḳhushī ke giit kaise gā rahī haiñ

batāo kab tak aa.egā vo din maañ

ki maiñ gā.uñgā āzādī ke naġhme

mire beTe na ho māyūs hargiz

nadī jaise pahāḌoñ se utar kar

samundar kī taraf chaltī hai sarmast

ki makkhī shahd kī jaise dam-e-shām

palaTtī hai to chhatte hī kī jānib

bahut tezī se baḌhtā jā rahā hai

use roke bhalā kis meñ hai tāqat

use Toke bhalā kis meñ hai jur.at

mire beTe yaqīñ kar ek din tū

isī chiḌiyā kī sūrat hogā āzād

qafas kī tīliyāñ TūTeñgī ik din

fazā.eñ qaid se chhūTeñgī ik din

na.ī manzil kī ḳhātir mere jāñbāz

kisī taaza safar kā hogā āġhāz

zara dekho to man peDon pe chiDiyan

KHushi ke git kaise ga rahi hain

batao kab tak aaega wo din man

ki main gaunga aazadi ke naghme

mere beTe na ho mayus hargiz

nadi jaise pahaDon se utar kar

samundar ki taraf chalti hai sarmast

ki makkhi shahd ki jaise dam-e-sham

palaTti hai to chhatte hi ki jaanib

bahut tezi se baDhta ja raha hai

use roke bhala kis mein hai taqat

use Toke bhala kis mein hai jurat

mere beTe yaqin kar ek din tu

isi chiDiya ki surat hoga aazad

qafas ki tiliyan TuTengi ek din

fazaen qaid se chhuTengi ek din

nai manzil ki KHatir mere jaanbaz

kisi taza safar ka hoga aaghaz