aazar

zehn kī pahnā.iyoñ meñ ik hasīñ taḳh.īl hai

dūr-uftāda tabassum yā sitāroñ kī chamak

āsmānoñ kī latāfat ye churā laayā hai kaun

ghaas par shabnam ho shabnam par shuāoñ kā hujūm

maryamī malbūs meñ is tarah muskāyā hai kaun

niim ke būḌhe daraḳhtoñ ke tale shāyad kabhī

ek saaya miT gayā husn-e-do-ālam kho gayā

aaj vo saaya bhī kis andāz se raqsāñ huā

ḳhuun kī har buuñd meñ tasvīr ubhrī hai koī

zindagī ko jam.a kar ke aa.ina laayā huuñ maiñ

ḳhaak meñ mil jā.ūñgā is aag meñ jal jā.ūñgā

aaj lekin apne hī shah-kār meñ Dhal jā.ūñgā

zehn ki pahnaiyon mein ek hasin taKHil hai

dur-uftada tabassum ya sitaron ki chamak

aasmanon ki latafat ye chura laya hai kaun

ghas par shabnam ho shabnam par shuaon ka hujum

maryami malbus mein is tarah muskaya hai kaun

nim ke buDhe daraKHton ke tale shayad kabhi

ek saya miT gaya husn-e-do-alam kho gaya

aaj wo saya bhi kis andaz se raqsan hua

KHun ki har bund mein taswir ubhri hai koi

zindagi ko jama kar ke aaina laya hun main

KHak mein mil jaunga is aag mein jal jaunga

aaj lekin apne hi shah-kar mein Dhal jaunga