ab bhi raushan hain

Ali Sardar Jafri

ab bhi raushan hain

Ali Sardar Jafri

MORE BY Ali Sardar Jafri

    ab bhī raushan haiñ vahī dast hinā-ālūda

    reg-e-sahrā hai na qadmoñ ke nishāñ baaqī haiñ

    ḳhushk ashkoñ nadī ḳhuun Thahrī huī dhaar

    bhūle-bisre hue lamhāt ke sūkhe hue ḳhaar

    haath uThā.e hue aflāk jānib ashjār

    kāmrānī gintī na hazīmat shumār

    sirf ik dard jañgal hai faqat dayār

    jab guzartī hai magar ḳhvāboñ ke vīrāne se

    ashk-ālūda tabassum ke charāġhoñ qatār

    jagmagā uThte haiñ gesū-e-sabā-ālūda

    Toliyāñ aatī haiñ nau-umr tamannāoñ

    dasht-e-be-rañg-e-ḳhamoshī meñ machātī huī shor

    phuul māthe se baraste haiñ nazar se taare

    ek ik gaam pe jaadū ke mahl bante haiñ

    naddiyāñ bahtī haiñ āñchal se havā chaltī hai

    pattiyāñ hañstī haiñ uḌtā hai kiran sonā

    aisā lagtā hai ki be-rahm nahīñ hai duniyā

    aisā lagtā hai ki be-zulm zamāne ke haiñ haath

    bevafā.ī bhī ho jis tarah vafā-ālūda

    aur phir shāḳhoñ se talvāreñ baras paḌtī haiñ

    jabr jaag uThtā hai saffākī javāñ hotī hai

    saa.e jo sabz the paḌ jaate haiñ pal bhar meñ siyāh

    aur har moḌ pe ifrītoñ hotā hai gumāñ

    koī bhī raah ho maqtal taraf muḌtī hai

    dil meñ ḳhanjar ke utarne sadā aatī hai

    tīrgī ḳhuuñ ke ujāle meñ nahā jaatī hai

    shām-e-ġham hotī hai namnāk o ziyā-ālūda

    yahī mazlūmoñ jiit aur yahī zālim shikast

    ki tamannā.eñ salīboñ se utar aatī haiñ

    apnī qabroñ se nikaltī haiñ masīhā ban kar

    qatl-gāhoñ se vo uThtī haiñ duāoñ tarah

    dasht o dariyā se guzartī haiñ havāoñ tarah

    mohr jab lagtī hai hoñToñ pe zabāñ par taale

    qaid jab hotī hai siine meñ diloñ dhaḌkan

    ruuh chīḳh uThtī hai hilte haiñ shajar aur hajar

    ḳhāmushī hotī hai kuchh aur navā-ālūda

    sar-kashī DhūñDhtī hai zauq-e-gunahgārī ko

    ḳhud se sharminda nahīñ auroñ se sharminda nahīñ

    ye mirā dil ki hai māsūm o ḳhatā-ālūd

    ab bhi raushan hain wahi dast hina-aluda

    reg-e-sahra hai na qadmon ke nishan baqi hain

    KHushk ashkon ki nadi KHun ki Thahri hui dhaar

    bhule-bisre hue lamhat ke sukhe hue KHar

    hath uThae hue aflak ki jaanib ashjar

    kaamrani hi ki ginti na hazimat ka shumar

    sirf ek dard ka jangal hai faqat hu ka dayar

    jab guzarti hai magar KHwabon ke virane se

    ashk-aluda tabassum ke charaghon ki qatar

    jagmaga uThte hain gesu-e-saba-aluda

    Toliyan aati hain nau-umr tamannaon ki

    dasht-e-be-rang-e-KHamoshi mein machati hui shor

    phul mathe se baraste hain nazar se tare

    ek ek gam pe jadu ke mahl bante hain

    naddiyan bahti hain aanchal se hawa chalti hai

    pattiyan hansti hain uDta hai kiran ka sona

    aisa lagta hai ki be-rahm nahin hai duniya

    aisa lagta hai ki be-zulm zamane ke hain hath

    bewafai bhi ho jis tarah wafa-aluda

    aur phir shaKHon se talwaren baras paDti hain

    jabr jag uThta hai saffaki jawan hoti hai

    sae jo sabz the paD jate hain pal bhar mein siyah

    aur har moD pe ifriton ka hota hai guman

    koi bhi rah ho maqtal ki taraf muDti hai

    dil mein KHanjar ke utarne ki sada aati hai

    tirgi KHun ke ujale mein naha jati hai

    sham-e-gham hoti hai namnak o ziya-aluda

    yahi mazlumon ki jit aur yahi zalim ki shikast

    ki tamannaen salibon se utar aati hain

    apni qabron se nikalti hain masiha ban kar

    qatl-gahon se wo uThti hain duaon ki tarah

    dasht o dariya se guzarti hain hawaon ki tarah

    mohr jab lagti hai honTon pe zaban par tale

    qaid jab hoti hai sine mein dilon ki dhaDkan

    ruh chiKH uThti hai hilte hain shajar aur hajar

    KHamushi hoti hai kuchh aur nawa-aluda

    sar-kashi DhunDhti hai zauq-e-gunahgari ko

    KHud se sharminda nahin auron se sharminda nahin

    ye mera dil ki hai masum o KHata-alud

    Source:

    • Book : Ek Khvab aur (Pg. 29)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY