ab ki jab

ab ki jab aa ga.ī hai shām-e-shabāb

abrūoñ kī tarāsh se hāsil

dil meñ jab pahlā sā vo pyaar nahīñ

ab gulāboñ pe vo nikhār nahīñ

kho chuke apnā tīkhā-pan bādām

sañbhlī sañbhlī haiñ āj-kal mādām

chup huā ḳhvāhishoñ kā āvāza

bū-e-tāza se hai tahī ġhāza

aur kājal meñ vo ḳhumār nahīñ

bāñkpan ab maza nahīñ detā

husn bhī ho chalā udaas udaas

ab nahīñ hai libās meñ bhī pyaas

piirī hone lagī hai ab vārid

ho ga.iiñ aap daf.atan bārid

kitne hī din milan nahīñ hotā

pyaar kā ye chalan nahīñ hotā

ab ki jab aa gai hai sham-e-shabab

abruon ki tarash se hasil

dil mein jab pahla sa wo pyar nahin

ab gulabon pe wo nikhaar nahin

kho chuke apna tikha-pan baadam

sanbhli sanbhli hain aaj-kal madam

chup hua KHwahishon ka aawaza

bu-e-taza se hai tahi ghaza

aur kajal mein wo KHumar nahin

bankpan ab maza nahin deta

husn bhi ho chala udas udas

ab nahin hai libas mein bhi pyas

piri hone lagi hai ab warid

ho gain aap dafatan barid

kitne hi din milan nahin hota

pyar ka ye chalan nahin hota