abhi wo ek din ka bhi nahin

abhī vo ek din kā bhī nahīñ

bhaTTī se miTTī kī nasl aag kā naam pūchhtī aur

giilī chhāñv tale so na na jaatī to qaidī qaidī na jante kaliyāñ khultīñ yā mausam rahā hote yā kuchh aur

hotā magar yuuñ huā ki is ke mere darmiyāñ ik pal TuuT gayā

us ke mere darmiyāñ ek titlī bhaḌaktī phirtī hai

us ke mere darmiyāñ ik raah musāfir hai

us ke mere darmiyāñ bahut se lafz TuuTe hue pyāloñ ke kuñDoñ kī tarah

ek dūsre meñ aTke hue haiñ

so maiñ ne aaj kā din bhī zaa.e.a hone ke liye dīvār par Daal diyā

chuñdhyā.ī huī chiḌiyā dar par kavvā kis ke mazār kī miTTī liye

mere āñgan meñ dhuup dhone aa niklī hai

uḌne meñ kuchh der lagegī

par giile haiñ chhateñ ūñchī haiñ darmiyāñ meñ dhuāñ

dhuup sameT aur bikher rahā hai

aao mujhe rihā karo mere paroñ se giilī miTTī chimTī huī hai

mujhe uḌne kā izn do ki maiñ ne so rahne kā gunāh kiyā

sūraj kamāne ab chhāñv na hone denā

maiñ ne marā huā jhuuT janā mujhe aur sone na denā ki abhī mujhe sach bolnā hai

abhi wo ek din ka bhi nahin

bhaTTi se miTTi ki nasl aag ka nam puchhti aur

gili chhanw tale so na na jati to qaidi qaidi na jante kaliyan khultin ya mausam raha hote ya kuchh aur

hota magar yun hua ki is ke mere darmiyan ek pal TuT gaya

us ke mere darmiyan ek titli bhaDakti phirti hai

us ke mere darmiyan ek rah musafir hai

us ke mere darmiyan bahut se lafz TuTe hue pyalon ke kunDon ki tarah

ek dusre mein aTke hue hain

so main ne aaj ka din bhi zaea hone ke liye diwar par Dal diya

chundhyai hui chiDiya dar par kawwa kis ke mazar ki miTTi liye

mere aangan mein dhup dhone aa nikli hai

uDne mein kuchh der lagegi

par gile hain chhaten unchi hain darmiyan mein dhuan

dhup sameT aur bikher raha hai

aao mujhe riha karo mere paron se gili miTTi chimTi hui hai

mujhe uDne ka izn do ki main ne so rahne ka gunah kiya

suraj kamane ab chhanw na hone dena

main ne mara hua jhuT jana mujhe aur sone na dena ki abhi mujhe sach bolna hai