achchhi baat bhali lagti hai

dahqāñ ḳhush haiñ hariyālī par

apnī fasl kī ḳhush-hālī par

achchhī baat bhalī lagtī hai

ġhussa aatā hai gaalī par

gul kī nigrānī karne kī

zimmedārī hai maalī par

TuuT paḌe haiñ bhūke bachche

biryānī vaalī thālī par

jhūmte haiñ mastī meñ bachche

qavvāloñ kī qavvālī par

chhat par hai kavvoñ kī Tolī

bandar kī Tolī Daalī par

machchhar jāgeñ rātoñ meñ bhī

din meñ haiñ sote naalī par

paise vaale kyoñ hañste haiñ

ham muflis kī kangālī par

holī meñ ham gaa.eñ phaguvā

diip jalā.eñ dīvālī par

suufī kī nazreñ Thahrī haiñ

valiyoñ ke dar kī jaalī par

jab chorī ghar meñ hotī hai

aañch aatī hai rakhvālī par

jhuum rahe haiñ daddy mummy

bachchoñ kī ḳhush-iqbālī par

naach rahā hai bhālū dekho

chhoTe bachchoñ kī taalī par

'amjadī' kī āñkheñ nam haiñ

urdu terī bad-halī par

dahqan KHush hain hariyali par

apni fasl ki KHush-haali par

achchhi baat bhali lagti hai

ghussa aata hai gali par

gul ki nigrani karne ki

zimmedari hai mali par

TuT paDe hain bhuke bachche

biryani wali thaali par

jhumte hain masti mein bachche

qawwalon ki qawwali par

chhat par hai kawwon ki Toli

bandar ki Toli Dali par

machchhar jagen raaton mein bhi

din mein hain sote nali par

paise wale kyon hanste hain

hum muflis ki kangali par

holi mein hum gaen phaguwa

dip jalaen diwali par

sufi ki nazren Thahri hain

waliyon ke dar ki jali par

jab chori ghar mein hoti hai

aanch aati hai rakhwali par

jhum rahe hain daddy mummy

bachchon ki KHush-iqbaali par

nach raha hai bhaalu dekho

chhoTe bachchon ki tali par

'amjadi' ki aankhen nam hain

urdu teri bad-hali par