adhura-pan

tum jo kahte ho mujh se aksar

ke naam tere pe nazm kah duuñ

suno phir tum maiñ chāhtī huuñ

sard rutoñ kī udaas shāmeñ

maiñ sañg tere yuuñ bitā.ūñ

kalā.iyāñ suunī paḌī haiñ kab se

maiñ naam tere kañgan pahnūñ

gulāb gajroñ se ḳhuub mahkūñ

ḳhvāb āñkhoñ se ḳhud jo dekhūñ

tumheñ dikhā.ūñ

gahrī nīñdoñ se fajr ke liye

ḳhud jāgūñ tumheñ jagā.ūñ

hadīs-e-kisā roz-e-jum.a

sunūñ tum se tumheñ sunā.ūñ

tumhārī godī meñ sar rakhe

Dhalī dopahar so jā.ūñ

mere jīvan kī bahār tum ho

merā ye joban siñgār tum ho

mere baḳht kā raaj tum ho

mere sar kā taaj tum ho

tumheñ ḳhabar hai mere mizāj meñ

rūmān kam hai mohabbat kā iz.hār kam hai

tumhī ho jān-e-jāñ jānāñ

maiñ kaise tum ko ye jatā.ūñ

merī āñkhoñ kī rūdād paḌh lo

yā dhaḌkanoñ kī zabāñ sunā.ūñ

mere hone kī tamsīl tum ho

maiñ adhūrī huuñ takmīl tum ho

tum jo kahte ho mujh se aksar

ke nam tere pe nazm kah dun

suno phir tum main chahti hun

sard ruton ki udas shamen

main sang tere yun bitaun

kalaiyan suni paDi hain kab se

main nam tere kangan pahnun

gulab gajron se KHub mahkun

KHwab aankhon se KHud jo dekhun

tumhein dikhaun

gahri nindon se fajr ke liye

KHud jagun tumhein jagaun

hadis-e-kisa roz-e-juma

sunun tum se tumhein sunaun

tumhaari godi mein sar rakhe

Dhali dopahar so jaun

mere jiwan ki bahaar tum ho

mera ye joban singar tum ho

mere baKHt ka raj tum ho

mere sar ka taj tum ho

tumhein KHabar hai mere mizaj mein

ruman kam hai mohabbat ka izhaar kam hai

tumhi ho jaan-e-jaan jaanan

main kaise tum ko ye jataun

meri aankhon ki rudad paDh lo

ya dhaDkanon ki zaban sunaun

mere hone ki tamsil tum ho

main adhuri hun takmil tum ho